Gaur, apirilak 2, apirileko ohiko udalbatzarra egingo dute udal ordezkariek, 19:00etan hasita, udaletxeko areto nagusian.
Honako hauek dira gaur landuko dituzten gaiak:
1.- Udalbatzak 2019ko martxoaren 14an egindako bilkuraren akta onartzea.
2.- Done Jakue kaleko 7. zenbakian eraikiko diren lau etxebizitza tasaturentzat eta horien gehigarrientzat –trastelekuak– Araubide Orokorreko udal etxebizitza tasatuen behin-behineko kalifikazioa onartzea.
3.- Gipuzkoako Foru Aldundiaren eta Azpeitiko Udalaren arteko hitzarmena, mendekotasun prestazio ekonomikoak jasotzen dituzten herritarrek jasotako zaintzaren kalitatearen aldiko jarraipena egiteko.
4.- Eusko Jaurlaritzaren telekomunikazio elkarte publikoa den Itelazpik herriko auzo ezberdinetako bizilagunei lurreko telebista digitaleko zerbitzua emateko dituen telekomunikazio zentroen jarduerari dagokion tasaren salbuespena onartzea.
5.- Alkatetzak 2018ko uztailean emandako ebazpenen berri ematea.
6.- Galderak eta erreguak.