Atzo, martxoak 10, XXX. Lilatoi lasterketa izan zen Donostian, eta 5.437 lagunek egin zuten 4,7 kilometroko proba. Lasterketa bukatu zuten emakumeetatik 68 azpeitiarrak izan ziren: horietan lehena, sailkapeneko 39 postuan, Nagore Aramendi (00:20:19) izan zen; bigarrena, sailkapeneko 75. postuan, Elizabeth Aramendi (00:21:49); eta hirugarrena, 76. postuan, Miryam Aramendi (00:21:50).
Bulebarrean hasi zen proba 10:30ean, eta probaren atarian nahiz lasterketan bertan, kirola, festa eta aldarrikapena uztartu zituzten parte-hartzaileek nahiz ikustera bertaratutako herritarrek.
Honako lotura honetan ikus daiteke atzoko Lilatoiko sailkapen osoa.