Gorka Urbizuri elkarrizketa, Berri Txarrakek Azpeitian eskainitako azken kontzertuaren atarian

Uztarria.eus | Kultura
2019ko ots. 22a, 12:16

Musikazale askoren gogoan iltzatuta geratuko da atzoko gaua. Izan ere, Berri Txarrak musika taldeak magiaz bete zuen Sanagustin kulturgunea, Azpeitian eskainitako azken kontzertuan. Ehunka lagun dardarka, saltoka, oihuka eta txaloka, Gorka Urbizu buru duen taldeari 'ikusi arte' esaten. Kontzertuaren aurretik Urbizurekin solasteko aukera izan zuten Kulturaz kooperatibak, Uztarriak eta Urola Kostako Hitzak. Haren adierazpenekin nahiz Berri Txarrakek eskainitako kontzertuko irudiekin Mikrouhinak bideo sortarako egindako bideoa da honako hau. 

Etenaldi mugagabearen aurretik egiten ari den Ikusi Arte Tour 2019 biraren barruan eskaini zuen atzoko kontzertua Berri Txarrakek. 

Informazio gehiago

Bidali:  

Erantzunak

aitor | 2019-02-22 : 12:40

Atzo oso ondo Berri Txarrak eta oso gaizki Sanagustin.

Zuritorik ez barran?? Kaña bat 2,5€??? Pintxo normal bat 2€???

Lotsagarria, DENAK EZ DU BALIO!!

andrex | 2019-02-22 : 16:00

Donosti txiki!!!!!jajajaj

Erabiltzailearen aurpegia da hau Kulturaz kooperatiba | 2019-02-22 : 17:53

Kaixo Aitor!

Kulturaz, Azpeitiko Kultur Mahaiaren kooperatiba, irabazi asmorik gabeko kooperatiba bat da. Irabazi ekonomikorik izatekotan, berriro ere kultur jardueretan inbertitzen ditugu. Euskal kulturan sormena, transmisioa eta ikusgarritasuna sustatzen egiten dugu lan, eta besteak beste, herrira kultur eskaintza oparoena ekartzen saiatzen gara. Horren baitan, Berri Txarrakek ‘Beude’ biraren baitako kontzertuetako bat Azpeitian izatea lortu genuen.

Bestalde, kultura herritar guztien eskura jartzen saiatzen gara hamaika modutara. Kultur Bonoa ateratzen dugu urtero, esaterako. Proiektuak dituen gastuei aurre egiteko, besteak beste, ostalaritza zerbitzua dugu, eta prezio politikak, betiere, azken helburu gisa euskal kultura sustatzea du.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu