Berri Txarraken kontzerturako sarrerak eskuratzeko ilaran da hainbat herritar

Uztarria.eus | Kultura
2019ko ots. 5a, 13:38

Gaur, asteartea, 17:00etan jarriko dituzte salgai Berri Txarrakek otsailaren 21ean, ostegunez, Sanagustin kulturgunean eskainiko duen emanaldirako sarrerak, baina dagoeneko ilara luzea sortu da kulturgunearen atarian; goizetik dozenatik gora lagun daude bertan, eta plazako farmaziaren pareraino iritsi da dagoeneko ilara.

Guztira, 500 sarrera jarriko dituzte salgai kulturguneko leihatilan, eta Internet bidez ezingo dira erosi. Aldiz, Kultur Bonoa dutenek aski izango dute kontzertuaren unean txartel hori sarreran erakutsita. 18 euro ordaindu beharko da sarrera bakoitza, eta herritarrek, gehienez, launa sarrera eskuratu ahal izango dituzte. Azpeitiko gisan, Berri Txarrakek kontzertua eskainiko duen beste hainbat herritan ere sortu dira dagoeneko sarrerak eskuratzeko ilarak, hala nola Gernikan (Bizkaia), Ondarroan (Bizkaia) eta Altsasun (Nafarroa).

 

Informazio gehiago

Bidali:  

Erantzunak

earki | 2019-02-05 : 12:39

hau lotsie illera hortan eotie..

OT ikusteko jendie holaxe eotea!!

A ze artaldea!!

Izarraitzpe | 2019-02-05 : 13:14

Ez zaizu musika gustatzen?

earki | 2019-02-05 : 13:36

Bai, gustatzen zait. Asko gainera

Izarraitzpe | 2019-02-05 : 13:57

Ez zinateke gustatzen zaizun musika talde bat entzuteagatik ilaran egongo ordu batzuk?

earki | 2019-02-05 : 19:42

Jarraitu lasai egaztea entzuten izarraitzpe, sekulako programak dituzte berhauek ere

Izarraitzpe | 2019-02-06 : 16:00

Niri ez zait Berri Txarrak gustatzen, ezta egaztea ere, baina ez naiz inor beste pertsonen gustu musikaletan sartzeko eta esateko lotsa eman beharko lieketela ilaran egoteak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu