Berri Txarrakek kontzertua eskainiko du otsailaren 21ean Sanagustin kulturgunean

Uztarria.eus | Kultura
2019ko ots. 4a, 12:19

Kontzerturako 500 sarrerak bihar, asteartea, jarriko dituzte salgai Sanagustin kulturgunean, 17:00etan. 18 euro ordaindu beharko dira sarrerak, eta pertsona bakoitzak, gehienez, lau sarrera eskuratu ahal izango ditu. Internet bidez ez dute sarrerarik salduko, eta Kultur Bonoa duten herritarrek ez dute aurrez sarrerarik erosi beharko.

Berri Txarrak musika taldeko kideak.  Ikusi haundiago | Argazki originala

Otsailaren 21ean, ostegunez, Berri Txarrak musika taldeak kontzertua eskainiko du Sanagustin kulturgunean, 21:00etan hasita. Etenaldi mugagabearen aurretik taldeak egingo duen Ikusi Arte Tour 2019 biraren barruan emango du kontzertua. Taldeak gaur jakinarazi du Euskal Herriko areto nahiz gaztetxeetan Beude izenburupean eskainiko dituen kontzertuen egutegia, eta emanaldi horietan laugarrena izango da Azpeitikoa.

Kontzerturako 500 sarrerak bihar, astertea, jarriko dituzte salgai Sanagustin kulturgunean, 17:00etan; Internet bidez ez dute sarrerarik salduko. Kultur Bonoa duten herritarrek, berriz, harekin sartu ahal izango dute kontzertura, eta ez dute sarrerarik erosi beharko. Sarrerak 18 euro ordaindu beharko dira, eta pertsona bakoitzak, gehienez, lau sarrera eskuratu ahal izango ditu.

Uztarria Komunikazio Taldeak bi sarrera zozkatuko ditu bazkideen artean, baina datorren astean jarriko du zozketa martxan.

Bidali:  

Erantzunak

aitor | 2019-02-04 : 12:48

Zenbat sarrera jarriko dira salgai??

enpankaleko_ataikue | 2019-02-04 : 13:05

500 jartzeik

enpankaleko_ataikue | 2019-02-04 : 13:06

Ezta ordu oso egokiye sarrerak salgai jartzeko baino...

Erabiltzailearen aurpegia da hau Uztarria | 2019-02-04 : 14:19

Uztarriak ezabatu egin du albiste honetako erantzun bat webguneko arauak ez errespetatzeagatik.

Mesedez, errespetatu arauak.

Uztarria Komunikazio Taldea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu