Heriotzaren eta doluaren inguruko solasaldia eskainiko du ostiralean, hilak 8, gaian aditua den Patxi Izagirre psikologoak Iraurgi Ikastetxeko HHko eta LHko eraikineko areto nagusian. Gu geu doluaren aurrean izenburupean eskainiko du hitzaldia Izagirrek, 17:15ean hasita.
Heriotzak haurren zein helduengan "kezka eta beldurra" eragiten dituela uste dute hitzaldiaren antolatzaileek. Horregatik, heriotzari aurre nola egin ikasteko eta dolua modu "osasungarrian" lantzen ikasteko antolatu du hitzaldia Iraurgik. Gaian interesa duen orori zuzenduta dago solasaldia, eta doakoa izango da.