Minigona eta danborrada

Eva Lizarralde | Iritzia
2019ko urt. 25a, 10:52

Eva Lizarraldek idatzitako iritzi artikulua da honako hau. Sansebastianetako danborrada eta kantineren minigonak izan ditu hizpide testuan.

Emakume azpeitiarra naiz, 51 urte ditut, danborrada txikitatik ikusi dut eta kantinera bezala bitan atera naiz, umetan eta gaztetan. Azpeitiar bezala, asko maite dut danborrada. Hala ere, ez dakit adinaren kontua den ala ez, baina bada gai bat ulertzen ez dudana, gona motzaren ohitura alegia.

Aurtengo danborrada ikusi dut, oso dotorea, oso herrikoia, beti bezala, baina minigonadun kantinerak gerturatzen direnean beti gauza bera pentsatzen dut: "Emakume arrantzaleek, baserritarrek, tiroldarrek, errusiarrek, eskoziarrek, XVIII. mendekoek (Mozart), XV. mendekoek (San Inazio)... gona motza erabiltzen al zuten? Badirudi emakumea-kantinera-minigona hirukotea ezinbestekoa dela, zorionez talde guztietan horrela ez bada ere. Horien artean dira Gure Ametsa, Landeta, Oilosoro, Loiolatxo... Bateren bat ahazten bazait, barkatuko didazue, ezta?

Aitortu behar dut talde guztien artean arreta gehien deitu didana Barrenetxea izan dela. Talde zoragarria izan da beti, niretzako behintzat. Danborjoleen eta kantineren garaiko jantzi dotoreak eta taldearen jarrera oso ondo baloratu izan ditut betidanik. Hala ere, nire nahigabea plazaratu gabe ezin naiz gelditu. Barrenetxea taldeak kantineren XVIII. mendeko soineko dotorea baztertu eta gona asimetriko bat atera zuten orain dela urte batzuk. Aurten, berriz, aldaketa borobiltzeko, gona asimetrikoaren ordez Mary Quant-en XX. mendeko minigona jantzi dute. Eklektikoa dirudi!

Zurrumurruek diotenez, ezin omen dute kantinerarik aurkitu soineko luzearen kontua dela eta. Aldi berean, gonaluzedun kantinerak ateratzen diren taldeetako arduradunek, zailtasunak izan arren, neskak aurkitzen dituztela argi dago. Azkenean, lehentasun arazoa dela esango nuke. Danborradako jantzi guztiak dira garai batekoak, eta nire ustez, neska batzuen gona luzearen aurkako jarrerari baino garaiari eman behar litzaioke lehentasuna. Norbaitek imajinatzen al du neska talde bat minigonarekin dotore jantzita Txikiteo Elegante egunean? Edo Santo Tomasetan azpeitiar emakume guztiak minigonarekin baserritar jantzita?

Garaian garaikoa!

Informazio gehiago

Bidali:  

Erantzunak

Erabiltzailearen aurpegia da hau Gabiriko Pablo | 2019-01-25 : 11:09

Antigona

earki | 2019-01-25 : 11:35

Santo Tomasetako trajieke majo aldau diela iruitze zat ba nei? Da ez juxtu luzio izetea..

Izarraitzpe | 2019-01-25 : 12:02

Alarde tradizionalekoa izango zara ezta? datorren urtean plastiko beltzarekin atera.

earki | 2019-01-25 : 12:45

Azkenien tanborradie ze bihurtu da ba ?

Zeñek melokotoi haundiyo arrapau, esentzi askoik etzako geratzen festa honeire. Zeñek jantzi elegantio atea da segi aurrea, Azpeitiko haundikeye erakustea!

makolo | 2019-01-25 : 13:38

Earki , batetik elegantziye ta haundikeye aipatzek eta bestetik zeinek melokotoi haundiyo arrapatzeula .

MBL | 2019-01-25 : 16:07

Nire ustez gona luze edo motza ez da garrantzizkoena,bai ordea emakumea monigote bezala ibiltzea rena

earki | 2019-01-25 : 17:19

Bai makolo bai, nik ikusteten tanborradan alaxe ertetzeik jendiek bai.
Da emakume pilla bat baita aurten tanborra jotzen, bate monigote itxura gabe gañea. Elegante askoik eta gizonan maila berdiñien, berdun bezela .

MBL | 2019-01-25 : 21:59

Bai "Earki", emakume pilla bat aurten tanborra jotzen bate monigote itxura gabe, baina gizonik ez gona motz edo luzearekin monigotearena egiten!! Hor diferentzia!!

Betikue | 2019-01-26 : 10:18

Gora migonak!!! Gora Melokotoiak! Gora Azpeiti!!! Etzakonai gustatzen...errez daka...

INIXI29 | 2019-01-26 : 10:55

Tanborradako garrantzitsuena, kantinerak al die? Minigonaik Gabe Jun nahi ez badute? Kantenaraik Gabe eitie zer?

INIXI29 | 2019-01-26 : 10:55

Tanborradako garrantzitsuena, kantinerak al die? Minigonaik Gabe Jun nahi ez badute? Kantenaraik Gabe eitie zer?

Askebizi74 | 2019-01-26 : 12:24

Barrenetxeako kide naizen aldetik nire iritzia ere azaldu nahi dut:
Zure artikulua ondo enfokatua ez dagoela deritzot. Kantinerek gona motzak eramatearen desadostasuna agertu nahi izatea ongi deritzot, baina hortik artikulu ia osoa gugan zentratzea…
Egia da gonak moztu behar izan genituela kantinerak aurkitu ezinik ibiltzen ginelako, eta orain aldiz itxaron zerrenda dugu kantinera bezala irtetzeko. Gustatu ala ez hori da errealitatea.
Bestalde aipatu egungo gonak moztu genitueneko beraiek direla, aurten ez dugula inolako gona berririk egin zuk diozun bezala, Mary Quant-en XX. mendekoak… Eta eklektikoa? Gure tanborrada eta egunerokotasuna gauza eklektikoz betea dago, eta…???
Nire ustez festak dira eta horrelako gauzei etzaie hainbeste inportantzia eman behar. Gona luzeekin, motzekin, prakakin… goza ditzagun gure festak! Gora Sansebastianak! Gora Azpeitiko jaiek!!!

AneLore | 2019-01-26 : 13:56

Guztia mozorroa eta festa baldin bada, noizko gizonezkoak emakume jantzita kantinera?

Konpainia desberdinak ikustea besterik ez dago emakume gehienak gizonezko jantzita ateratzen garela ikusteko.

Gizonaren feminizazioarekin hasten garenean berdintasunerantz pauso haundi bat emango dugulakoan nago.

Kantinerak desagertzea ere ez legoke gaizki, figura horrek emakumeak objetu izatera bultzatzen gaitu eta zerbait oso gaizki egiten ari gara gure neskak rol hori betetzeko desiatzen badaude...

makolo | 2019-01-26 : 16:10

Galderak egiten hasita , zergatik makillaturik eta illeapaindegira juten dien neskak ere?
Erantzun bakarra ikusten dut nik, beraien aukera libreko autaketaz izan dela, inongo imposiziorik gabe.

Betikue | 2019-01-26 : 19:49

MAKOLO-rekin Ados!!! Zaska politta!!! Txaloo!!

makolo | 2019-01-27 : 11:04

Berdintasun bideari garrantzirik kendu gabe,esan beharrean gaude gizakiok historikoki, errebelazio moduan alderantzizko joerari ekin diogula erropa kontuan:
Gure amon garaian dena luzea eta beltza zen ,elizaren indarra medio , frankismoa ere hor zegoen ... 80 ko hamarkada iritxi zan eta luzea motz bihurtzeko beharra geneukan ;Sexo , drogas eta roka genuen lema Euskal herrian ,mobida madrilena delakoarekin ere Españian ..gure bikotekideari gona motza ez jartzeko esate bazigun ere haizea hartzera bidaltze genuen , gure errebelazio rebintikatibo pertsonal moduan , arabiar jatorriko neska batek egingo balu ere txalotuko genuen baino garaiak aldatu dira berdintasun kontuan,serio hartu beharrean gaude ...eta orain ba motxa luze bihurtzeko izango gara agian.

MBL | 2019-01-27 : 11:17

AneLorerekin guztiz ados!!!

enpankaleko_ataikue | 2019-01-28 : 10:18

MAKOLO-kin gustiz ados!!! Nahi duenak ertetzeu eta eztuenak nahi eztauke inungo derrigortasunik ertetzeko, hori agian ez alda askatasune? Ertetzeunak nahi duelako ertetzeu... ta ANELORE, zeu ai zea esaten dana, emakumiek ta gizonak desberdintzen ai zea gizonezko trajiek diela esaten. Akaso prakak eta txaketie ez aldie bai gizon ta bai emakumientzako? Zure kriteriyue ibilita Alkartasunako gizonak emakume jantziyekin ertetze aldie? Festak gozatzeko eta ondo pasatzeko die, bakoitze libre izen daiela beak nahi duna iteko, eta ez ezer eztaon lekuen xestrie atea nahi izeteko!!!

Spirit82 | 2019-01-28 : 10:28

Egunon danoi,

Egia da batzuk gona motza duen taldearen bila ibiltzen direla, beste batzuk ordea, talde dibertigarriaren bila. Minigona batzuentzat aitzikia merkea ere izaten da.

Ni bi aldiz irtenda nago kantinera eta minigona dituzten taldean nago irtenda, eta gogoratzen du ez zela minigona nahiago nuelako izan, baizik eta taldearena. Minigona duen taldea edo ez bakoitzaren prioridadeen gora beheran doa.

Barrenetxean gonak moztu dituenetik zerranda duela kantinerantzat, eta luzeak zituztenean ezin aurkituta?... Ba ez dakit zergaiti, ze oilosorok gona luzeak baina inoiz ez kantinerak aurkitzeko arazorik.

Ni emakume izanda, tanborra jotzen irtetzen naiz, eta kantinerak kendu edo ez, egia esan, 16 urteko neska gazteak kantinera irtetzeko desiatzen egoten dira eta ez nituzke kenduko, baina tanborra jotzen gizonak gonarekin ere ez nituzke jarriko, ni tanborra jotzen praka luzeak jantzita ertetzen naiz eta ze ondo pasatzen dugun eta goxo goxo.

Ez dut uste buelta asko eman behar zaionik kontu honi, kantienera minigonakin inor ez bait da derrigortuta irtetzen.

Bestela Santo Tomas-eko baxerritar jantziarekin sartu beharrean gaude, a ze gona motzak!!! Eta inauterietan ere, jada mozorroak ere minigonari begira jazten dituzte neskek... (mutil batzuek ere bai, jajajaja ederra giroa)

Herriko festak ditugu eta bakoitzak pasa dezala ahal duen ondoen.

Nik eskatzen dudan bakarra, errespetuz jokatu dezagula eta laguntza behar duenari lagundu.

earki | 2019-01-28 : 11:37

Peace & Love

Bakearen nobel saria Spirit82 rentzat orain!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu