Zortzi hilabeteren faltan, Azpeitiko Zezenzale Batzordeak dagoeneko zehaztu ditu datozen San Inazio jaietako zezenketen egunak eta ganadutegiak. Urtero legez, hiru zezenketa izango dira festetan, baina datak aldatuko dira; izan ere, San Inazio bezperan ez da zezenketarik izango. Lehena uztailaren 31n, San Inazio egunez, izango da; bigarrena, abuztuaren 1ean, San Inazio bigarrenean; eta hirugarrena eta azkena, abuztuaren 2an.
Ana Romero –iazko irabazlea– (Cadiz, Andaluzia), Salvador Gavira (Cadiz, Andaluzia) y Murteira Grave (Mourão, Portugal) ganadutegietako zezenak izango dira Azpeitiko zezen plazan hiru egun horietan. Zezenzale Batzordeak oraindik ez du zehaztu zein toreatzaile ariko diren zezenketetan.