Dioni eta Iñigo Perez omenduko ditu Udalak, San Sebastian jaietan

Uztarria.eus | Festak
2019ko urt. 10a, 13:25

Urteetan parrokiako jaiotza muntatzen egin duten lanagatik jasoko dute bi anaiek erakundearen aitortza San Sebastian egunean, umeen danborrada plaza iristen denean. Gainera, Arauntza elkarteak 50 urte beteko ditu danborran, eta soziedade horretako ordezkariek ere jasoko dute omenaldia, San Sebastian bezperan, gauerdia iristean.

Perez anaiak beheko ilaran, erdian, Errege Magoen etorreran.  Ikusi haundiago | Argazki originala

Dioni eta Iñigo Perez anaiak omenduko ditu Udalak San Sebastian jaietan, urteetan Soreasuko Sebastian Donearen parrokiako jaiotza muntatzen egin duten lana eskertzeko. Hain zuzen ere, bi anaia azpeitiarrek 40 eta 50 urtetik gora daramatzate parrokiako Gabonetako jaiotzaz arduratzen, eta erakundeak urteetan egindako "lan isila" aitortu nahi die biei. San Sebastian egunean, haurren danborrada plazara iristen denean, egingo diete omenaldia, udaletxean.

Bestalde, aurtengo San Sebastian jaietan 50 urte beteko ditu Arauntza elkarteak, eta soziedade horretako kideak omenduko ditu Udalak helduen danborradan. Urrezko ezteiak egingo ditu taldeak, eta gauerdia iristean, Mikel Sanjuan tailugile azpeitiarrak egindako oroigarria emango die Udalak Arauntzako ordezkariei udaletxean.

Informazio gehiago

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu