Mikel Orbea, Euskadiko txapeldun bigarren urtez

Uztarria.eus | Kirolak
2018ko abe. 31a, 10:54

Larunbatean jokatutako IV. Beasaingo Ziklo-krosa Sari Nagusia irabazi zuen azpeitiarrak, eta horrela, Euskadiko txapela eskuratu zuen. Txirrindulariak Espainiako Txapelketa jokatuko du urtarrilean.

Mikel Orbeak bigarren urtez jarraian junior mailako Euskadiko txapela lortu zuen larunbatean jokatutako IV. Beasaingo Ziklo-krosa Sari Nagusia irabazita. Atracciones Sanz–Epi Kristaldegia taldeko azpeitiarrak lehen itzulitik jo zuen erasora, lasterketaren buruan jarriz eta aurkariei aldea ateraz. Lehen postuan egin zuen ia proba guztia, azkenengo itzulian Ibai Ruiz de Arcautek harrapatu zuen arte. Azken metroetan, ordea, Orbea azkarragoa izan zen eta garaipena erdietsi zuen.

Orbeak hurrengo hitzordu garrantzitsua urtarilaren 11tik 13ra Pontevedran, Galizian, jokatuko den Espainiako Txapelketa izango du. Euskal Selekzioak lasterketa horretan lehiatzera deitu du.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu