Iraurgi Ikastetxeko kideek Gabonetako jaialdia egingo dute bihar

Uztarria.eus | Hezkuntza
2018ko abe. 14a, 09:31

Jaialdia 17:00etan hasiko da, Izarraitz frontoian. Haur Hezkuntzako lehen mailatik Lehen Hezkuntzako seigarrenera bitarteko ikasleek parte hartuko dute emanaldian. Gainera, Iraurgiko batukada kalez kale ibiliko da Alde Zaharrean.

Iazko jaialdiko irudia.  Ikusi haundiago | Argazki originala

Gabonetako jaialdia egingo dute bihar, zapatua, Iraurgi Ikastetxeko kideek, 17:00etan hasita, Izarraitz pilotalekuan. Umeek eta gaztetxoek hainbat dantza eta kantu saio eskainiko dute, eta Iraurgiko batukada kalez kale ibiliko da Alde Zaharrean barrena.

Jaialdia Iraurgiko trikitilarien saioarekin hasiko da, eta ondoren jaiotzaren antzezpena egingo dute Lehen Hezkuntza 1. mailako ikasleek. Horien saioaren ostean frontoiko protagonista bilakatuko dira Haur Hezkuntzako eta Lehen Hezkuntzako ikasleak. Emanaldiaren bukaeran bi otarre zozkatuko dituzte ikusleen artean, eta bildutako dirua Caritasera bideratuko dute.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu