Babestutako etxebizitzen zozketarako onartuen eta baztertuen behin-behineko zerrendak argitaratu ditu Udalak

Uztarria.eus | Hirigintza
2018ko abe. 11a, 10:27

Alegazioak aurkezteko epea abenduaren 27ra arte egongo da zabalik, eta zozketa urte hasieran egitea aurreikusten du Udalak. Esklabak-Iturtzulo eremuan babes ofizialeko 29 etxebizitza eta udal sustapeneko 33 etxebizitza zozkatuko dituzte lehen fasean. Donejakue kalean eta Bustinzuriko Errebalean, aldiz, zortzi etxebizitza tasatu egingo dituzte.

Esklabak-Iturtzulo eremuko etxeen irudia.  Ikusi haundiago | Argazki originala

Esklabak-Iturtzulo eremuan, Done Jakue kalean eta Bustinzuriko Errebalean eraikiko dituzten babestutako etxebizitzen zozketarako onartuen eta baztertuen zerrendak argitaratu ditu Azpeitiko Udalak. Alegazioak aurkezteko epea ere zabaldu dute dagoeneko, eta herritarrek abenduaren 27ra arte izango dute horretarako aukera udaletxean.

Esklabak-Iturtzulo eremuan babes ofizialeko 29 etxebizitza eta udal sustapeneko 33 etxebizitza zozkatuko dituzte lehen fasean –bigarren fasean babes ofizialeko 39 eta udal sustapeneko 28 egingo dituzte–, eta horien zozketarako zerrenda da argitaratutakoa; Donejakue kalean eta Bustinzuriko Errebalean, aldiz, zortzi etxebizitza tasatu egingo dituzte.

Josu Labaka zinegotziak azaldu duenez, etxebizitzen "beharra erreala" da: "Jende askok eman du izena, eta horrek erakusten digu aurreikusten genuen etxebizitza beharra erreala dela. Prozesua ondo doa, bai zerrendena, baita etxebizitzak eraikitzeko tramiteena ere". Zozketa urtearen hasieran egitea aurreikusten du Udalak.

Zerrendak

Esklabak-Iturtzulo (BOE)

  • Kupo orokorreko behin-behineko zerrendak:

           – Onartuak

           – Ez onartuak

  • Mugikortasun mugatua dutenen behin-behineko zerrendak:

           – Onartuak          

           – Ez onartuak

Esklabak-Iturtzulo (Udal sustapeneko etxeak)

  • Kupo orokorreko behin-behineko zerrendak:

           – Onartuak

           – Ez onartuak

  • Mugikortasun mugatua dutenen behin-behineko zerrendak:

           – Onartuak

Donejakue kalea eta Bustinzuriko Errebala (Udal sustapeneko etxeak)

  • Kupo orokorreko behin-behineko zerrendak:
           – Onartuak
 
           – Ez onartuak
Bidali:  

Erantzunak

Izarraitzpe | 2018-12-11 : 11:49

Datu hauek denak herri osoak jakitea beharrezkoa da?

asdg | 2018-12-11 : 13:27

Neu hortan!!Listan Nan zenbakiye azalduta nahiku ta gehiegi dala ustet nik.

agomez | 2018-12-11 : 16:12

Ley orgánica de protección de datos....hontako baliyo aldu?..... gendien informaziyue danan eskura?Galanta iruitze zait!!Azpeitin bizi geala!!!!

Betikue | 2018-12-11 : 16:30

...Izen abizenen inizialak eta NAN zenbakiarekin nahikoa izango zen.

Izarraitzpe | 2018-12-12 : 09:37

Bailara osoak (eta nahi duen orok) pertsona hauen guztien NAN zenbakia jakiteaz gain, horrelako herri txiki batean ikustea nor apuntatu den eta nor ez, bakoitza bakarrik edo binaka apuntatu den, tasatuetara apuntatu direnen kasuan jada beraien errenta nondik abiatzen den dakizu, ez onartuen arrazoia horrela jarrita... Pertsona bakoitzaren adina, altuera eta pisua falta zaizkit, behin kuxkuxeatzen hasita..

Erabiltzailearen aurpegia da hau Gabiriko Pablo | 2018-12-17 : 20:36

Herriko pobreen zerrenda

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu