Oihana Orbegozo: "Hotz samar hasi nintzen lehian, baina gero eta hobeto moldatu naiz"

Urola Kostako Hitza | Kirolak
2018ko abe. 5a, 11:37

Lau eta erdiko eskuz banakako Emakume Master Cup txapelketaren finalera iritsi da Oihana Orbegozo (Azpeitia, 1985) pilotaria. Igandean jokatuko du finala Amaia Aldairen aurka, Azkoitiko Gurea pilotalekuan.

Oihana Orbegozo pilotaria.  Ikusi haundiago | Argazki originala

Zer moduz zaude finalaren atarian?

Etorriko da etorri behar duena. Nahiko lasai nago, momentuz, baina pentsatzen dut eguna gerturatu ahala edo kantxara sartzen naizenean urdurituko naizela. Saiatuko naiz lasai egoten.

Nolako partida izango dela aurreikusten duzu?

Gogorra. Neska indartsua da [Aldai], bizi ibiltzen da, eta…

Zer indargune ditu? Eta zer ahulgune?

Oso bizi ematen dio pilotari, eta erraz mugitzen da kantxan. Ahulgunea… Ez dakit, baina ea pixka bat bere onetik aterarazten dudan.

Etxetik gertu jokatuko duzu finala. Aldea al da?

Igandean ikusiko dugu, baina lagunak eta familiakoak joango dira ikustera… Gustura hartuko dut norbait animatzera joatea.

Txapela janzten baduzu, nori eskainiko diozu?

Ez dut pentsatu horrekin. Irabazten badut, ikusiko dut.

Elkarrizketa osoa Urola Kostako Hitzaren webgunean irakur daiteke.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu