Madalenako baseliza eta ospitalea ezagutzeko aukera izango da larunbatean, abenduaren 8an, Ezkutuko Altxorrak egitasmoaren aurtengo egitarauaren barruan. 12:00etarako jarri dute hitzordua Madalenan, eta Juan Bautista Mendizabalek gidatuko du doako saioa. Bertaratzen diren herritarrek 1535eko Azpeitira bidaia historikoa egiteko aukera izango dute; izan ere, urte hartan Loiolako Inaziok sorterrian egin zuen egonaldiaren nondik norakoak jaso ahal izango dituzte horiek.