Gaur, abenduak 4, udal ordezkariek abenduko ohiko udalbatzarra egingo dute, 19:00etan hasita, udaletxeko areto nagusian.
Honako hauek dira landuko dituzten gaiak:
1.- Udalbatzak 2018ko azaroaren 6an egindako bilkuraren akta onartzea.
2.- 2019. ekitaldirako aurrekontua onartzea.
3.- 2019. ekitaldirako Udalaren lanpostuen zerrenda onartzea.
4.- Gipuzkoako Foru Aldundiaren eta Azpeitiko Udalaren arteko hitzarmena, etxeko laguntza zerbitzua finantzatzeko.
5.- Euskararen Erabilera Normalizatzeko Plana eta erakundearen Kudeaketa Plana behin-behineko izaeraz onartzea (Azpeitiko Udala 2018-2022 plangintzaldia).
6.- Euskararen Nazioarteko Egunaren inguruan Azpeitiko Udalaren adierazpena.
7.- Galderak eta erreguak.
Udalbatzarra bukatzean, Azpeitia Lantzen SAren ohiko batzar orokorra izango da. Bilkura horretan Loiola Fundazioa erakundearen patronoak izendatuko dituzte.