Ezker Hormako Kluben Arteko Gipuzkoako Txapelketako final batzuk Izarraitz pilotalekuan jokatuko dituzte bihar

Uztarria.eus | Kirolak
2018ko aza. 8a, 10:33

19:30ean hasita, kadeteen lehen mailako, jubenilen lehen mailako eta nagusien bigarren mailako finalak jokatuko dituzte. Lehen neurketan etxeko bikote bat izango da txapela lortzeko lehian; izan ere, Ilunpe 1 taldeko Aimar Egiguren eta Jakes Elosegi pilotariek Tolosako Amiano eta Suduperen kontra neurtuko dituzte indarrak.

Jakes Elosegi. (Gipuzkoa Pilota)  Ikusi haundiago | Argazki originala

Izarraitz pilotalekuan jokatuko dituzte bihar, ostirala, Ezker Hormako Kluben Arteko Gipuzkoako Txapelketako finaletako batzuk. Binakako hiru eskuzko pilota partida izango dira ikusgai, 19:30ean hasita: kadeteen lehen mailakoa, jubenilen lehen mailakoa eta nagusien bigarren mailakoa. Lehen neurketan etxeko bikote bat izango da txapela lortzeko lehian; izan ere, Ilunpe 1 taldeko Aimar Egiguren eta Jakes Elosegi pilotariek Tolosako Amiano eta Suduperen kontra neurtuko dituzte indarrak. Bigarren neurketan Tolosa 3 taldeko Goikoetxea eta Elola LAPKE 1 taldeko Senar eta Urangaren aurka ariko dira, eta hirugarrenean Behar Zana taldeko Urbieta eta Iruretagoiena eta Gazteleku 1 taldeko Etxezarreta eta Arrate ariko dira nor baino nor.

Maila gorenetako pilotariek, berriz, zapatuan jokatuko dituzte finalak Idiazabalen, baina maila horietako txapela lortzeko lehian ez da Azpeitiko pilotaririk izango.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu