Urriaren 12an Hispanitatearen Eguna ospatzen dela eta, egun horretarako Herri Eskolak antolatu ditu Azpeitiko Ikasle Taldeak, Ezer ez ospatzeko, guztia irabazteko! lelopean. "Jai egun arrotzak desobeditzeko", bi hitzaldi, bazkaria eta jolasak antolatu dituzte ostiralerako.
Azpeitiko Ikastola Ikasberrin hasiko dira ikasleek antolatutako Herri Eskolak. Goiz aldean, bi hitzaldi entzuteko aukera izango da bertan. Aurreneko solasaldia 09:30ean hasiko da, eta genero zapalkuntza iza go dute hizpide. Gaiaz hausnartzeko parada izango dute Herri Eskoletara bertaratzen diren gazteek. Ondoren, hainbat herritarren bizipenak entzun eta azken urteetan Azpeitian izandako borroken inguruko errepasoa egingo dute.
Hitzaldiak amaitzean, elkarrekin bazkalduko dute Herri Eskoletara animatzen diren ikasleek, Gaztetxean. Behin sabelak beteta, jolasak egingo dituzte Gaztetxean bertan, eta horiekin amaituko dituzte urriaren 12rako prestatutako Herri Eskolak.