Erdi Aroko almendra eta inaziotar guneak ezagutzeko bisita gidatua izango da igandean

Uztarria.eus | Aisia
2018ko abu. 9a, 13:19

12:00etan abiatuko da bisita plazatik, eta Juan Bautista Mendizabalek gidatuko du. Besteak beste, Bazozabal, Enparan dorretxea, Madalena eta parrokia bisitatuko dituzte. Parte hartzeko, izena ematea komeni da.

Madalena izango da igandean bisitatuko duten lekuetako bat.  Ikusi haundiago | Argazki originala

Ezkutuko Altxorrak egitasmoaren barruan, Erdi Aroko almendra eta inaziotar guneak bisitatzeko aukera izango da igandean, abuztuak 12. Azpeitiko gune historikoan zehar ibilbidea egingo dute, eta Loiolako Inaziorekin lotura duten guneetan geldialdiak egin ere bai. Juan Bautista Mendizabal ariko da gidari lanetan, eta hark gune horiek Azpeitiko bilakaera historikoan izan zuten garrantzia azalduko du. Besteak beste, Bazozabal, Enparan dorretxea, Madalena eta parrokia bisitatuko dituzte.

12:00etan hasiko da bisita, plazatik abiatuta, eta doan izango da. Hori bai, parte hartzeko, aurrez izena ematea komeni da, info@ignaziotarlurraldea.com helbidera idatzita edo 943-15 18 79 telefonora deituta.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu