Tren historikoekin 57 irteera eskainiko dituzte aurten Burdinbidearen Euskal Museoan. Horietako 13 lurrun trenekin egingo dituzte, eta gainerakoak diesel motordun trenekin.
Lurrun trenak asteburuetan eta jaiegunetan ibiliko dira museoa eta Lasao arteko ibilbidean; zapatuetan bi irteera egingo dituzte, 12:30ean eta 18:00etan, eta igandean bakarra, 12:30ean. Astegunetan, berriz, diesel motordun trenak aterako dituzte, museoan bertan; asteartetik ostiralera ibiliko dira diesel trenak museo barruan, 12:30ean eta 18:00etan. Diesel motordun trenen zerbitzu hori abuztuan bakarrik eskainiko dute.