Gazteria Sailetik antolatzen duten haur eta nerabeentzako antzerki tailerra heldu da ikasturte bukaerara. Aurtengo jarduna behar bezala amaitzeko, antzerki emanaldia prestatu dute ostiralerako. Sanagustin kulturgunean izango da emanaldia, 18.30ean hasita, eta 19 neska-mutil azpeitiar igoko dira oholtzara beren abileziak erakustera. Kulturgunera bertaratzen diren lagunek Gauaren egiak eta Gaitz erdi izeneko antzezlanak ikusteko parada izango dute.