Folk amerikarrak hartu zuen atzo, osteguna, Sanagustin kulturgunea. Hain zuzen ere, M. Ward musikaria aritu zen zuzenean bere doinuak taularatzen, Courtney Jaye lagun zuela. Ez zen jendetzartik elkartu, baina joan zirenek amerikarraren talentuaz gozatzeko aukera izan zuten. 90eko hamarkadaren amaieran Ameriketako Estatu Batuetan sortutako folk musikarien belaunaldiaren parte da Ward eta, folkaz gain, indie eta country estiloetan ere mugitzen da. Dagoeneko hainbat disko kaleratu ditu, eta gainera, produktore gisa ere lan egin izan du.
Uztarriak, Urola Kostako Hitzak eta Kulturaz kooperatibak elkarlanean kontzertuaren laburpen bideoa osatu dute, Mikrouhinak bideo sortarako.