Karnabalen atarian, kaldereroen kalejira eta gero, Gora Herria taldeak kontzertua eskainiko du zapatuan, Sanagustin kulturgunean, 23:00etan hasita. Sarrera debalde izango da, eta 80ko eta 90eko hamarkadetako euskal kanten bertsioak entzuteko parada izango dute bertaratzen direnek: Negu Gorriak, Kortatu, Exkixu, Sorotan Bele, Hertzainak... taldeen kantak, besteak beste. Hala, euskal rockaren, poparen eta folkaren abesti esanguratsuenekin ongietorria emango diote karnabalei Sanagustinen.