Blai, gazteon telebistaren estreinaldia izango da igande honetan, 20:00etatik aurrera, Euskal Herriko hainbat txokotan. Azpeitian ere eskainiko dute emanaldia Orkatz kultur elkartean.
Gazteraiki topaketetatik irtendako proiektuetako bat da Blai, gazteon telebista. Lau saio izango ditu: fikzioa, mahai-ingurua, Late Night bat eta bideoklipak. Lau saio horietarako grabaketak iazko udan egin zituzten, eta lehena igandean emango dute. Saio horretan drogen inguruko mahai-ingurua plazaratuko dute.