2018ko urtarrilaren hasieran banatuko du Uztarriak herri aldizkariaren hilabete horretako zenbakia. Bertan Izar Arregi psikologo azpeitiarrari bullyingaren inguruan egindako elkarrizketa kaleratuko du Uztarriak. Gaur egun, mahai gainean dagoen gaia da eskola jazarpena, eta gero eta gehiago lantzen da heziguneetan. Joan zen azaroan Bullyingaren mugak gainditzen jardunaldiak egin zituzten Azpeitian, UEUk eta Udalak elkarlanean antolatuta. Bertan, hainbat adituk hartu zuten hitza, eta horien artean izan zen Arregi. Psikologo azpeitiarra zabal mintzatu da gaiaz Uztarriarekin.