"Etxerako bidean aske, ez ausart" izateko aldarrikatu dute Sanjuandegin

Azpeitian, Sanjuandegiko festen barruan, Ume Bihurrien Eguna ospatu zuten larunbatean. Haurrek askotariko ekintzak izan zituzten egun osoan zehar, eta besteak beste murala margotu zuten igerileku atzeko horman, Etxerako bidean aske, ez ausart! leloarekin. Puntu beltz bezala identifikatu zuten gunea, eta "auzo anitz eta askea" irudikatzeko koloreztatu zuten pareta.