Espainiako Txapelketako finalaurrekora sailkatu da Iraurgi SBko autocares Ulacia taldea

Uztarria.eus | Kirolak
2017ko mai. 26a, 12:28

Gaur jokatuko du Stadium Casablancaren aurkako norgehiagoka, 16:00etan hasita.

Autocares Ulacia, atzo finalaurdenekoa irabazi ostean  Ikusi haundiago | Argazki originala

Iraurgi SB taldeko Autocares Ulacia emakumezko kadeteen taldea Espainiako Txapelketa ari da jokatzen Huelvan (Espainia), eta gaur arratsaldean finalerdia jokatuko dute Stadium Casablancaren aurka.

Taldea atzo sailkatu finalerdietara, Ponce Valladolid taldearen aurka 61-50 irabazi ondoren. Partidaren lehen zatian galtzen joan baziren ere, atsedenaldirako aurre hartu zioten Valladolideko taldeari, eta azkenean 11 puntuko aldearekin amaitu zuten norgehiagoka.

Finalaurrekoari dagokionez, 16:00etan hasiko da Autocares Ulaciaren partida; txapelketako beste finalaurrekoa 18:00etan izango da, eta irabazleek bihar jokatuko dute finala.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu