Martxoaren hasieran banatuko du Uztarria Komunikazio Taldeak herri aldizkariaren hilabete horretako zenbakia. Bertan Daniela Dominguez suhiltzaile argentinarrari egindako elkarrizketa kaleratuko du Uztarriak. Azpeitiko suhiltzaileen taldeko kidea da Dominguez. Emakumezkoa eta suhiltzailea izatea oraindik ez da oso ohikoa, eta horretaz mintzatu da argentinarra. Horrez gain, euskara eta Euskal Herria ere izan ditu hizpide. Hemen egindako adierazpenen aurrerapena.