Azpeitiko Udalak ohiko udalbatzarra egingo du gaur, asteartea, 19:00etan hasita, udaletxeko areto nagusian. Bertan hurrengo gaiak landuko dituzte:
1.- 2016ko uztailaren 5ean egindako bilkuraren akta onartzea.
2.- 2017. ekitaldirako udal-zergei hasierako onarpena ematea.
3.- Udalaren 2016. ekitaldirako aurrekontuan 4. kreditu aldaketa onartzea.
4.- Azpeitiko Plangintza Orokorraren baitan AU2 Garmendialde guneko G.10/2.3 zonako Betharram ikastetxearen eraikuntza dagoen lurzatiaren Xehetasun Azterlanaren behin betiko onarpena berrestea.
5.- Urola Erdiko Mankomunitatearen eta Azpeitiko Udalaren arteko Lankidetzako Hitzarmena: Azpeitian komunitate-ongizateko eta ingurumeneko programak egiteko konpentsazio ekonomikoa Azpeitiko Udalari ematea.
6.- Azpeitiko Energia Iraunkorrerako Ekintza Plana 2016 dokumentuaren onarpena.
7.- Azpeitiko Udalean Herritarren Arretarako Zerbitzu Integrala proiektua ezartzeko Udalaren eta EUDEL eta IVAP arteko prestakuntza eta laguntza programa onartzea.
8.- 2017. ekitaldirako taxi zerbitzuaren prezioak.
9.- Erregimen frankistak egindako krimenengatik, bai estatu mailan baita nazioarte mailan ere, irekita dauden auzietan Azpeitiko Udalaren partehartzea.
10.- Alkatetzak 2015eko azaroan, abenduan eta 2016ko urtarrilean emandako ebazpenen berri ematea.
11.- Enplegua sustatzea helburu duten formaziorako bekak: 25 urte baino gehiago duten herritarrentzat zuzenduak.
12.- Galdera eta erreguak.