Urrezkoa, zilarrezkoa, kolore guztietako danborrada

Uztarria.eus | Festak
2016ko urt. 20a, 00:56

2016ko sansebastianak estreinatu ditu helduen danborrada jendetsu eta koloretsuak. Gauerdian, herriko bandera igo ondoren, omendu dituzte udaletxean Alkartasun eta Zezenzaleak taldeak 50. urteurrenagatik, eta Sanjuandegi eta Zokoa 25. urteurrenagatik. Bandera igotzerakoan, aurpegia estalita zuten lagun batzuk kioskoaren teilatura igo eta presoen aldeko pankartak erakutsi dituzte.

Banderadunak udaletxeko balkoian eta, behean, plaza beteta.  Ikusi haundiago | Argazki originala

Sarriegiren eta Frantzesenaren musikak, haien erritmora jotako danbor hotsek eta 1.500 azpeitiarrek bete dituzte herriko kaleak eta plaza Nagusia San Sebastian bezperan, festak hasteko balio izan duen helduen danborradan.

2016ko sansebastianak estreinatu ditu helduen danborrada jendetsu eta koloretsuak. Gauerdian, herriko bandera igo ondoren, omendu dituzte udaletxean Alkartasun eta Zezenzaleak taldeak 50. urteurrenagatik, eta Sanjuandegi eta Zokoa 25. urteurrenagatik.

Preso, iheslari eta deportatuen aldeko aldarriak ere izan du tartea bandera igotzerakoan. Aurpegia estalita zuten lagun batzuk kioskoaren teilatura igo eta presoen aldeko pankartak erakutsi dituzte.

Bien bitartean, udaletxean, Udalak egindako deialdiari erantzun eta zozketa bidez aukeratutako herritarrek modu berezian gozatu ahal izan dute aurten bezperako danborradaz, udaletxeko balkoietatik ikusiz.

Informazio gehiago

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu