Ion Etxeberria eta Matxin III.a azpeitiarrek Endika eta Ezkurraren aurka jokatuko dute 45. Binakako Erremonte Txapelketako finala zapatu honetan, hilak 26, Hernaniko Galarreta pilotalekuan.
Hirugarren txapela lortu zuen iaz Ion Etxeberriak. Azpeitiko atzelariak duela bi urte eskuratutako titulua berretsi zuen binakakoan. 2013an, Utergarekin jantzi zuen bere bigarren txapela. Estraineko garaikurra, berriz, 2011n irabazi zuen, Zeberiorekin.