Maiatzaren 21ean egingo dute aurten bailarako jubilatuek Oriora eta Aginagara urtero egin ohi duten txangoa. Azpeitia, Azkoitia eta Zestoako erretiratuek elkarrekin egingo duten egun-pasarako egitarau hau prestatu dute:
- 10:30ean irteera (azpeitiarrek), San Martin egoitzaren aurretik.
- 12:00etan meza, Orion.
- Meza ondoren, kantuan kalejiran ibiliko dira Orion.
- 14:30ean, bazkaria Aginagako Errasti sagardotegian.
- Bazkal ostean, musika talde batek girotutako erromeria.
Baigera Azpeitiko jubilatuen elkarteak datorren astelehenean, maiatzak 4, zabalduko du egun-pasa horretarako izen-ematea. Egun horretatik aurrera, Baigeraren bazkideak astelehenetik ostegunera 10:30etik 12:30era joan daitezke elkartearen bulegora, apuntatzera.