Pride eta Disney junior party filmak emango dituzte zapatutik astelehenera bitartean Soreasu antzokian. Pride filma bihar, zapatua, 19:00etan eta 21:30ean eskainiko dute. Igandean, berriz, 19:00etan, eta astelehenean 21:30ean. Disney junior party filma, berriz, igandean emango dute, 16:30ean hasita.
Pride pelikula Matthew Warchus zuzendariak 2014an Erresuma Batuan eta Frantzian egindakoa da. Komedia eta drama generokoa da, eta ondorengoak dira aktoreak: Ben Schnetzer, Monica Dolan, George MacKay, Bill Nighy, Andrew Scott, Imelda Staunton, Dominic West, Paddy Considine, Joseph Gilgun, Sophie Evans, Jessie Cave eta Freddie Fox. Disney junior party, aldiz, Sherie Pollack-ek eta Norton Virgienek egindako lana da. Animaziozko filma 2015ean egin zuten, AEBtan.