Derrigorrezko Bigarren Hezkuntzatik (DBH) hasi eta unibertsitate arteko ikasleak greban dira gaur, hilak 11, Euskal Herrirako hezkuntza burujabea aldarrikatzeko eta murrizketen aurka protesta egiteko. Euskal Herrian Ikasle Abertzaleak-ek egin du deialdia, espainiar estatuko Nazioarteko Greba Orokorrarekin bat eginez eta goizean hasi dituzte greba eguneko ekimenak Azpeitian. 10:45ean Esklabetan elkartu dira, eta handik, ikastetxez ikastetxe kontzentrazioak egin dituzte. 12:15ean hasita, elkarretaratze orokorra egin dute plazan, eta ehunka ikasle elkartu dira bertan. Gero, gaztetxean bazkalduko dute eta arratsaldean pankartak egin eta herriko zenbait txokotan jarriko dituzte.
Ehunka ikaslek egin du bat grebarekin
2012ko urr. 11a, 14:20
