70 bat lagunek hartu dute parte presoen aldeko bosgarren Boulder Txapelketan

Uztarria.eus | Kirolak
2011ko aza. 29a, 09:11

Elite mailan Mikel Nogales zestoarra nagusitu zen

Jende ugari elkartu zen gaztetxean

Joan den zapatuan, hilak 26, Euskal Presoak Euskal Harrietara V. Boulder Txapelketa jokatu zen gaztetxean. Hiru mailatan banatu zuten txapelketa eta, guztira, 70 bat lagunek hartu zuten parte. Antolatzaileek esan dutenez, "Euskal Herri osoko hainbat jende gerturatu zen Azpeitiko gaztetxera, eta giro ezinhobea sortu zuten parte hartzaile eta ikusleek". Gaztetxea jendez lepo egon zen goizean zein arratsaldean.

Goizean, umeentzako rokodromoa egon zen gaztetxe atarian, eta haur eta heldu ugari bertaratu zen. Muntatu zituzten blokeen inguruan zein kanpoan giro aparta sortu zen. Txapelketa, 11:00tan hasi zen hasiberriekin. Bertan, 30 bat lagunek hartu zuten parte.

Arratsaldean, berriz, herrikoien txanda izan zen, eta beste 30 bat lagunek hartu zuten parte txapelketan. Azkenik, 18:00ak inguruan, elite mailakoak lehiatu ziren eta Mikel Nogales zestoar eskalatzailea nagusitu zen. Guztira, 10 eskalatzailek neurtu zituzten indarrak maila horretan. Roberto Rodriguez azpeitiar eskalatzaileak min hartu zuen lehia hasi eta gutxira.

Bidali:  

Erantzunak

pepito | 2011-11-29 : 22:11

Albistean txapeldunaren izena jartzeko asmoa dagoenean, aurrez ongi informatu gertatutakoaren eta parte hartzaileen inguruan mesedez. Gaztetxeko Boulder txapelketako elite mailako txapelduna MIKEL Nogales izan zen. ( Zestoan ez dago RUBEN Nogalesik )

Erabiltzailearen aurpegia da hau Uztarria | 2011-11-30 : 10:11

Kaixo Pepito.
Eskerrik asko akatsaren berri emateagatik. Zuzendu dugu.
Uztarria Komunikazio Taldea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu