Bost minutu ez al ditu merezi bakeak?

Aritz Epelde (Azpeitiko Bilduren izenean) | Iritzia
2011ko urr. 20a, 17:10

Pasa den asteartean, Ogasuneko batzarra eta Kontratazio Mahaiko komisioa ospatu ondoren, Bilduko zinegotziek eta alkateak bost minutuko etenaldia eskatu zieten hurrengo Hirigintza batzordeko kide eta teknikariei.

Bost minutu horietan ondoko eskaerak luzatu ziren Euskal Herriak sufritzen duen gatazkaren konponbidearen alde Bake konferentziako deklarazioarekin bat eginez:

  1. ETAri dei egiten diogu bere jarduera armatuaren behin betiko amaiera iragartzen duen adierazpen publikoa egiteko eta soilik gatazkaren ondorioez aritzeko Espainia eta Frantziako gobernuei elkarrizketarako deia egiteko.
  2. Adierazpen hori egingo balitz, dei egiten diegu Espainiako eta Frantziako gobernuei baiezkoa eman eta gatazkaren armatuaren ondorioez soilik aritzeko elkarrizketak zabaltzeko.
  3. Zabaldu diren zauri pertsonalak eta sozialak sendatzeko lagungarria delako, eginiko minaren aitorpena, biktima guztien aitortza eta berauen laguntza, eta errekontziliazioan aurrera egiteko urrats sakonak eman daitezen eskatzen dugu.
  4. Gure esperientziak azaltzen digunez, askotan gatazkak konpontzeko orduan badira bake iraunkorra eskuratzeko lagungarriak diren aztertu beharreko beste gaiak. Ildo horretan, eragile ez bortxatzaileak eta ordezkari politikoak bil daitezen iradokitzen dugu, gai politikoak eta gaiarekin zer ikusirik dutenak eztabaidatzeko, herritargoa kontsultatuz, horrek guztiak gatazkarik gabeko aro berria sortzen lagun dezakeelako.Gure esperientziak azpimarratzen duenez, hirugarren parte hartzaileek, begiraleek edota laguntzaileek, elkarrizketa bideratzen laguntzen dute. Hemen ere, gatazkarekin zer ikusirik duten parteek horrela erabakiko balute, elkarrizketa nazioarteko laguntzaileen bidez ere bidera liteke.
  5. Errekomendazio hauen bideratzea aztertzeko Jarraipen Batzordea eratzeko prestutasuna adierazten dugu.

Bost minutuak igarota Bilduko zinegotziak eta alkatea Hirigintza batzordera agertu ziren. Prentsaren bidez jakin dugunez errespetu falta iruditu zitzaien Jesus Larrañaga eta Aitor Arangureni. Errespetu falta egun horretan landu behar ziren herritarren gaiak landu gabe geratzea izan zen. Bilera bera bertan behera geratu baitzen, alde egin zutelako.

Ematen duenez, edozertarako erabili balira bost minutuak ondo legoke. Baina, bakearen alde eta konponbiderako erabili izanak sortzen du ezin egona. Ez al du bakeak bost minutu merezi? Errespetu eta hezibide kontu bat da.

Bidali:  

Erantzunak

potoli | 2011-10-20 : 20:10

Bai, 5 minutu baino gehiago merezi dizkik Aritz. Eta errespetu falta dek herritarren aurretik egoa jartzea. Baina herriak bere lekuan jarri dizkik.

AitorArangurenH1 | 2011-10-20 : 22:10

Kaixo Aritz :-)
Bakeak bi aurpegi ditu. Ea Bilduk noiz eskeintzen dizkion bost minutu baino gehiago beste aurpegiari. Lehen hilabete hauetan keinua aurpegi bati bakarrik egin dio eta.
Ah! Gezurra esan duzu, bost minutuko etenaldia ez zenuten eskatu.

naiara | 2011-10-21 : 09:10

Bilduk begiratu ze eskatu zuen Aritzek dioen bezala:
1.- ETAri dei egiten diogu bere jarduera armatuaren behin betiko amaiera iragartzen duen adierazpen publikoa egiteko
eta
2.- Zabaldu diren zauri pertsonalak eta sozialak sendatzeko lagungarria delako, eginiko minaren aitorpena, biktima guztien aitortza eta berauen laguntza, eta errekontziliazioan aurrera egiteko urrats sakonak ematea.
Ayyyyyy! gezurra badakigu nork esaten duen.

naiara | 2011-10-21 : 09:10

ahhhh eta egun hoberena aukeratu du 2. erantzuna ematen duen horrek gai hontaz hitzegiko. ja, ja ..

AitorArangurenH1 | 2011-10-21 : 10:10

Naiara, garbi dago ez duzula ondo irakurri esan dudana.
Ah! eta ezin nuen egun hobeagorik aurkitu esan dudana esateko. je, je

naiara | 2011-10-21 : 10:10

ja, ja... bakoitzak bere burua munduko zentroa dela usten du. Horrela da. zu prentsaren bitartez bizi zaudela adierazi nahi duzu. Dena publikatzen dezu. Eta prentsaren bitartez ez dago gauzak/harremanak konpontzorik. Baina, zure bidea da. Denok dakigu hori. Baina, Bilduk Etari bere jarduera armatua behin betiko usteko eskatu dio eta biktimen aitortza. Zuzenean. Eta hori denok ikusi dugu (zuk, salbu).

AitorArangurenH1 | 2011-10-21 : 11:10

Aizu Naiara, Bilduk ez du prentsa erabiltzen? Ez du publikatzen? Ba utzi niri ere tresna berak erabiltzen, mesedez. Askatasuna nahi dut nire iritzia plazaratzeko. Edo ez didazu uzten?
Nik salbu....... Dudarik ez egin, niretzat poztekoa dela Bilduren ekarpena ETAren amaieran.

nekane | 2011-10-21 : 13:10

Txorakeria batekin mundu bat egin nahi izan dute PNV-H1ek.
Zenbat aldiz atera ote dira zinegotziak (kolore guztietakoak) udaleko bileretatik beste pertsona edo gairen bat atenditzeko? Askotan!
Giro txarra eta liskarra sortu nahia ikusten dut hemen. Hori ez da oposizio eraikitzailea! Are gehiago, ez da oposizioa.

gaztie | 2011-10-21 : 14:10

Aitor, zure biktimismo kiratsak txakurrik zikinena ere zuzenean botako luke!!!
"Askatasuna nahi dut, ez didazu usten?"
Zure azken iruzkin batean ere antzeko bidetik zihoazen.
Argi gelditu dena zera da, Bildukoek bost minutu galdu zituztela euskal herriak bizi dituen momentu hauetan pausoak ematen jarraitzeko eta zuen ume pataleta baten ondorioz orain kritikatzen duzuena gertatu zela, bilerarik egin gabe gelditzea.
Nire ustez uztarrian beste negar-artikulu bat idazteko helburuarekin, baina hara bakoitzak.... batzuek pentsatuko dute benetan prentsaurreko horretara joateko hartu izanak eman dizutela min. nork jakin.
Azkenik esan ekintza zuzenekin lorturiko protagonismoa dela balio duenabeste guztia kantea emateko gogoa.
P.D: Bi aldetara begiratzeko eskatzen diezu bildukoei, ia noiz hartzen dituzun zure gain hitz horiek. Sufrimendua ez da zenbakitan kontatzen.

AitorArangurenH1 | 2011-10-21 : 14:10

Kaixo Nekane:-)
Txorakeria zuretzat izango da. Jada zahartzen hasita nago eta, nik behintzat, horrelakorik ez dut sekula ikusi. Orduan, errespetua eskatzea legezkoa da. Gutxienez abisatzea zer egin behar duzun...
Azpeitin giro txarra eta liskarra, denok dakigu nork sortu duen behin eta berriz urte luzeetan.
Eta..... oposizio eraikitzailea...... ba, hobe izango dut ixiltzea.

Juanito | 2011-10-21 : 15:10

Bai Aitor, hobe duk isiltzea, erridikulua egiten ari haiz eta.
Agerraldira ateratzea gaizki ikusi duk, baina nik galdetuko niake zer iruditzen zaian agerraldia bera, zer iruditzen zaian Gernikako akordioa, zer iruditzen zaian biharko manifestazioa...
Aste honetan gauza oso garrantzitsuak gertatu dituk gure herrian horrelako txikikeriekin mokoka hasteko.
Hik badakik nonbait giro txarra nork jarri duen herrian, betikoek, ezta? Ya! Eta hi bitartean isilik egon haiz herritarrak torturatu dituztenean, lan politikoa egiteagatik epaitu eta espetxeratu dituztenean, presoen argazkiak pankarta batean jartzeagatik herritarrak Entzutegi Nazionalera joan direnean, kondena betea duen herritar batek preso jarraitzen duenean... Hauen inguruan ez duk artikulu askorik idatzi!
Mesedez Aitor, hire alderdia Hamaika zikinkeriatan atera duk bizirik egon den hilabete gutxian, kasu Hernanin, Oiartzunen... Eta hi hemen, beste guztiei lezioak ematen. Aholkuak salgai, besteentzat, hori bai!
Hobeto hago isilik.

gaztie | 2011-10-21 : 15:10

Zure azken lau hitzen erreflexioa gehiagotan egin beharko zenukeela iruditzen zait Aitor.

AitorArangurenH1 | 2011-10-21 : 15:10

Juanito, barkatu baina nik agerraldiaren kontra ez dut ezer esan. Alderantziz, ondo ikusten det.

zuekin | 2011-10-21 : 15:10

Ezin sinisturik nago, benetan, berriro diot"ezin sinisturik". Hain garrantzitsuak diren une hauetan batzuk beraien porrot elektoralaren aurren zein jarrera duten ikusita.
Bilduk hauteskundeak irabazi eta 3 aste baino lehenago prentsaurrekoa, dv igandea orri osoa beraientzat. Zer esango? Hauek herria geratuko dute,ai ama, zuek utzi duzuen zorrarekin zer nahi duzue egitea 3 astetan? Zorra nolaten egin den sinisten nahiko lan dagoenean.
Orain 5 minutugatik liskarretan, batzuk urteak egon garenean nolabait esatearren udaletxe aurrean itxaroten.
Txakurrei 5 hankie batzutan bilatzie ona dek, beti bilau nahiyen ibiltzie, gutxitan bilatzeko, denbora galtze haundiye dek.
Zenbait galdera Aitor?
Paruen al hao? eo uztarriara engantxauta hao? biyetako bat.
Hamaika bat, zer da alderdi politiko bat edo pertsona politiko bat?
Oposizio eraikitzaile bat egin gabe ezin dituk hauteskundiek gehiengo "absolutuekin" irabazi.
Ondo segi Aitor, baina politikie eiteko eta komunikatzeko formulak aldatze ez badituk, nere iritzi apalien jai daukek

Juanito | 2011-10-21 : 21:10

Aitor,
Bat egiten duk Gernikako akordioarekin? Prest hago sinatzeko?
Akordioa irekia zegok nahi duenak sinatzeko, eta asko poztuko gintuzke zuek ere bertan ikusita.

Erabiltzailearen aurpegia da hau Iosu Badiola | 2011-10-22 : 11:10

Hemen eztabaida zearo desbideratu da. Aritzen artikulu hau Aitorrek aurretik idatzi duen bati emandako erantzuna da. Bertan Bilduk erabilitako formak bakarrik kritikatzen ditu Aitorrek eta ez bakearen aldeko irakurketa.

potoli | 2011-10-23 : 08:10

Ez, ez. Asuntue klarue izen dek. Bildukuek kaka eiñea jun balitz ez huan ezer pasako. Baino, nola komunea jun beharrien ez zaioten gustatzen gauze batea jun eituan, ba hori ez zegok ondo pnvren ustez.

potoli | 2011-10-23 : 08:10

Ez, ez. Asuntue klarue izen dek. Bildukuek kaka eiñea jun balitz ez huan ezer pasako. Baino, nola komunea jun beharrien ez zaioten gustatzen gauze batea jun eituan, ba hori ez zegok ondo pertsonaje honen ustez.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu