Gazteok Bildu jaialdia antolatu dute zapaturako

Uztarria.eus | Politika
2011ko mai. 11a, 12:05

.21:00etan hasiko da jaialdia eta luntxa, bertso saioa eta kontzertuak izango dira Gaztetxean

Gazteek Bilduri "babesa erakusteko" antolatu dute jaialdia

Jaialdia iragartzen duen kartela.  Argazki originala

Datorren zapaturako, hilak 14, Gazteok Bildu jaialdia antolatu dute, "gazteok Bildu -ri babesa erakusteko". Gaztetxean izango da ekimena eta antolatzaileek adierazi dutenez, "maiatzaren 22ko hauteskundeetan asko dugu jokoan gazteok, eta gazteak bozka ematera gonbidatu nahi ditugu".

Gainera, Azpeitiko gazteek "bi aukeren artean" hautatu beharko dutela esan dute: "Gazteen hitza kontuan hartuko duen Bildu ala gazteen edozein ekimen oztopatuko duen EAJ".

Bilduk udaletxera "aire freskoa" ekarriko duela esan dute antolatzaileek: "Gazteon hitza errespetatuko da, herri mugimenduak ez du oztoporik jasan beharko, parte hartzean oinarrituko da Udalaren jarduna eta gazteok ditugun arazoei, etxebizitza eta langabezia esaterako, ezkerreko ikuspegi batetik egingo zaie aurre". Beraz, Bilduk "aukera gutxien ditugun gazteon arazoei" irtenbideak emango dizkiola gehitu dute. Hori dela-eta, Azpeitiko gazteei "dei egin" diete jaialdian parte hartu dezaten eta maiatzaren 22an Bilduren aldeko botoa eman dezaten.

21:00etan luntxa egongo da eta, segidan, Bertso Parrandako finalistek , HATXE eta MAN taldeek, bertso saioa eskainiko dute. Behin hori bukatuta, Azpeitiko musika talde desberdinek kontzertuak eskainiko dituzte. Besteak beste, Oldbridge, Garraxika eta Egurra ta Kitto! taldeak igoko dira oholtzara. Antolatzaileek jakinarazi dutenez, "sorpresak ere izango dira jaialdian" eta jaialdia antolatzea posible egin duten guztiei "eskerrak" eman dizkiete.

Bidali:  

Erantzunak

txikito | 2011-05-11 : 14:05

Bilduk udaletxera "aire freskoa" ekarriko duela esan dute antolatzaileek: "Gazteon hitza errespetatuko da, herri mugimenduak ez du oztoporik jasan beharko, parte hartzean oinarrituko da Udalaren jarduna eta gazteok ditugun arazoei, etxebizitza eta langabezia esaterako, ezkerreko ikuspegi batetik egingo zaie aurre".
INAXIO URIA ZER? "aire ori ekarri behar dezute,beti bezala"

kanka | 2011-05-11 : 15:05

Iguingarria iruditu zaidak hire iruzkina. Gazte hauek ezin al dute politika egin? Kriminalizaziorik ez!
Sarekada ugari izan dituk euskal gazteriaren kontra herri mugimenduan lan publikoa eginik eta hi halako kontuekin hator?
Animo gazteok!

ardibeltza | 2011-05-11 : 22:05

Txikito ta oian hori zerta zatorrek??
Kaka erten da Bilduk ateakoitun emaitzekin ta eoze esan ber.
Zapatuen gaztetxie bete-bete ein da!!

airratzu | 2011-05-12 : 11:05


Bilduk: Inaxio bezelako kasu gehio ez eoteko, Lana, lana eta lana.
PNV/PSOE/PP: Pankarta baten atzien jarri eta listo, hortik aurrea euskal gatazkatik aldan boto gehiena ateatzea.

txikito | 2011-05-12 : 12:05

airratzu:
Lehenengo zatian ezaten duzuna ala bada.Ongi etorri eta aurrera.

IrekiAteak | 2011-05-12 : 13:05

2011.garren urtean poztekoa da gazteek horrelako ekimenak antolatzea. Europa guztian ez dago horrelako mugimendurik eta Euskal Herriko gazteak duten ekimena benetan baloratzekoa da.
Egitarau polita prestatu duzue, lan polita egin duzue eta zorionak.
Hain gazteak ez garenoi ere joaten utziko diguzue ezta? juas juas. Bertso saioa ikusteko irrikitan nago.
aupa gazteak!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu