Julian Barrenetxea kantoia izango da parrokia aurrekoa

Urola Kostako Hitza | Besterik
2011ko mar. 31a, 15:03

Larunbat eguerdian jarriko diote plaka kaleari

.50 urte dira musikaria hil zela, eta 25 abesbatze sortu zela

Jose Ignacio Alberdi eta Ana Mendizabal, parrokia aurreko kantoian. (AZPEITIKO UDALA).  Argazki originala

Aurten 50 urte beteko dira Julian Barrenetxea musikaria hil zela, eta 25 urte haren izena daraman abesbatza sortu zela. Hori dela eta, urtean zehar urteurren horiek ospatzeko hainbat ekitaldi izango da.

Horrela, larunbat honetan, parrokia aurretik Erdikalera doan kantoiari Julian Barrenetxea izena eman eta plaka jartzeko ekitaldia izango da, 12:00etatik aurrera.

Bertan, Juan de Antxieta musika eskolako eta dantza solteko ikasleek aurreskua dantzatuko dute, eta Julian Barrenetxea eta Parrokiko abesbatzek Agurra, Kantuz eta Agur Jauna abestiak kantatuko dituzte. Azpeitiko Udalak herritar guztiei dei egin die larunbateko ekitaldian eta aurrerantzean egingo direnetan parte hartzera.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu