Tunelitis

Miren Garmendia (Azpeitiko Aralar komitea) | Iritzia
2011ko mar. 25a, 18:03

Orain gutxi aurkeztu da herrian bariantearen trazatu berria. Bi hitzetan esanda lau kilometrotan, zazpi tunel eta lau zubi. Guztira 66 miloi euro. Astebete beranduago kaleratzen da autobus zerbitzua areagotzen dela Donostiara eta Zumarragara, Azpeiti-Azkoitikoan era tajuz handitzen da maiztasuna. Zein ondo pentsatuko dugu gehienok. Bai, ze ondo. Baina aurrekari bezala kontutan izan badirela hamarkada batzuk Urola trena kendu zutenela, eta orain ikerketa osatu behar dutela hau berreskuratzea bidezkoa litzateen hala ez.

Hausnarketa egiteko garaian, honako hau datorkit burura: 14 mila kotxetik gora ibiltzen direla bi herri hauen artean. Seguru baietz. Kotxearekiko kultura hezurretaraino sartuta daukagu. Eta neurri batean egia da kanpoan lan eginez gero ezinbestekoa dela kotxea hartzea. Beraz, gauza batek bestera darama, eta gu erdi erdian.

Gelditzen zaiguna hauxe da, kondenatuta gaude gure esparru honetan lasai ibiltzera, erraztasun denak izango ditugu, bide elegante bat, herritik pasatzen ez dena, eta herritarrak hau erabiltzeko Landetara bideratuko direnak... bestela nola erabiliko da. Hori bai, herria zeharkatzeko primerakoa izango dena. Ez da pentsatu 14 mila kotxe horietatik zati oso handi bat herri batetik bestera lanera edo erosketak egitera mugitzen dela, eta egun baten buelta bat baino gehiago egiten dela.

Autobusen maiztasuna oso ondo, baina berriro ere gure esparrutik kanpo eskas; dena den alde handia dago lehengoaren eta etorriko denaren artean (proposamen hauek aurreko Azpeitiko gobernuan negoziatu ziren eta orain, bi urte beranduago, ateratzen dira). Baina beste irtenbiderik ez dugu, Kotxea hartu eta kanpoan lan egiten duen edonorentzat. Eta azken garaian Debagaraira jende asko mugitzen da, MU-re, kooperatiben elkargora, e.a. Eta horrelako lekuetarako aurreikuspenik ez.

Eta azkenik, trena kendu bazen kendu zen, eta orain berreskuratzea ondo ikusten da, merkantzientzako bakarrik, pertsonak garraiatzeko ez da egokia ikusten. Egingo den ikerketa horren erantzuna ez da zaila izango, goian ikusi ditugun horiek ikusita. Beharrik ere ez, nola besteari lehentasuna eman diogun... Galderak hor daude; eta erantzunak, denborak erakutsiko digu, zertan bideratzen den guzti hau.

Lehen esan bezala, 66 miloi euro gastatuko ditugu denon poltsikotik azpiegiturak hobetzen, inguruan ere inpakto gehiago egingo dugu bederatzi tunel dituelako eta 4 zubi, garbia eta ekologikoa... Ba nik dirutza horren erdiarekin, kiroldegi handi bat egingo nuke, lurrazpiko aparkalekua, industrialdea, eta herriko erdigunean hainbat azpiegitura, eta diru hori hobeto gastatuta dagoela irudituko litzaidake.

Bidali:  

Erantzunak

ibilimunduan | 2011-03-25 : 22:03

Nik ongi ezagutzen dut bariantea pasatuko den Loiola inguru hori...
Pentsatzearekin bakarrik negargura ematen dit... Zer egin behar dugu horko pakea, pasaia, ezagutu dugunok? Bideoan grabatu eta gure ondorengoei esan "inguru hau horren polita zen lehen".
Orain, gertutik bizi dudanez, hobeto ulertzen ditut horrelako makroproiektuak egin direnen lekuetan jendeak egin dituen protestak. Barkamenik ez dugu. Porlanez bete ditugu inguru polit guztiak.
Hau bada desarrollismoa, aurrerapena, oraingo atasko puntualak nahiago.
Eta politikariok, hau babesten duzuenok, natur sentsibilitatean suspentso galanta duzue.
Eman pasio bat Oñatz behekaldetik, joan Loiolako baserrietan barrena, jeitsi bero Loiolara...eta gogoeta bat egin astekeri honen inguruan.

MeMe | 2011-03-25 : 23:03

Erabat ados, Agenda 21 eta holako gauzek gai hauek agertzen dienien bapatien desagertu eiteie... fenomeno fisiko berri bat ote? Ta gañea geyo esan nahi det... iruitzen zait holako proiektuek azkenengo alternatiba modun euki ber diela. Alegiye, lenengo beste bide guztiyek probau eta funtzionatzen ez badebe, ba azkenengo aukera horri hor eongo da. Beste bide hoyek die: garraio publikue bultzatzie (baño seriyo, ta ez oaiñarte bezela, brometakuek diela emateun zerbitzuekin, Azpeitiyentzat Gipuzkuko zenbait herrik ez debe existitzen), bidegorriyen erabilerie (bizikletak ere nunbaiten lagatzeko tokiyek jarri berko liezke, ez? Herriko bi tokitan badaude baño gutxitxo ez?), kotxie alde batea uzteko kanpañak eiñ (aparkalekuek eiñ eta eiñ segitzen badeu, kotxie gero ta geyo erabiltzeko aukerak handitzen ditugu), etabar HAUNDI bat. Bada garaye etxie teilatutik hasi berrien lurretik hasteko, ez? Lenengo gauz hoyek hobetu ta geo ikusi aber super bariante bat ber deun!

Jonmi | 2011-03-26 : 09:03

Kapitalismoak dakarren, katai ta zapalketa. Izan dedila guretzat indar askatzailea, izan dedila guretzat indar askatzailea. Aurrera langileria, aurrera herri-gizonak, etsaiak puskatu arte jo dezagun aurrera!

JUANTXO | 2011-03-26 : 11:03

Meme, zurekin ados.Aurrena beste irtenbide batzuk jorratzen saiatu behar litzake.Garraio pubikoa bultzatu eta zergatik ez, dirutza hori eta kalte ekolojiko hori egin aurretik beste soluzio batzuk probatu.Lehengo bidea hor dago, hura obetzen saiatu.Loiolatik azpeitira hiru bide badira iada, hoiekin pixkat jokatu.Ni ez naiz inginieroa baina iruditzen zait errezegi artzen dituztela holako Makro obrak egiteko erabakia.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu