Plan Orokorrerako "akordio proposamena" egin du ezker abertzaleak

Urola Kostako Hitza eta Uztarria.com | Hirigintza
2010ko abe. 6a, 16:12

Larunbatean, "udalean gehiengo bat osatzeko borondatearekin egindako akordio proposamenaren" berri emateko prentsaurrekoa egin zuen ezker abertzaleak

Besteak beste, Esklabetatik Azkune artekoa aisialdirako berdegunerako izendatzeko eskatu dute

Ezker abertzalekoak prentsaurrekoa ematen, larunbatean, Izarraitzeko eremuan (Nerea Uranga)  Argazki originala

Herriaren Hirigintza Antolamendurako Plan Orokorra egiten ari da Udala. Larunbatean, "udalean gehiengo bat osatzeko borondatearekin egindako akordio proposamenaren" berri emateko prentsaurrekoa egin zuen ezker abertzaleak, Izarraizpeko edo Esklabetako eremuan. Proposamen horrek "ehuneko ehunean" beraiek defendatzen dutena ez duela jasotzen ere onartu dute.

Corrugados Azpeitia enpresako labeak lekuz aldatzea eta lanpostuekin herrian mantentzea "herriarentzat lehentasunezkoa eta estrategikoa" dela dio ezker abertzaleak. "Labeak Lasaora aldatuta, gaur eguneko labeen tokian urbanizazio berri bat zehaztea lehentasunezkoa da plan orokorraren osaketan". Krisi ekonomikoa kontutan izanda, Corrugados enpresak lekuz aldatzeko izan ditzakeen zailtasunez "jakitun" direla diote. Horregatik, uste dute "Udalaren lehentasuna» izan behar duela Corrugados eta lanpostuak herrian mantendu eta leku aldatzea bultzatzea".

Oiarzabal eta Azkune eremuak "erreserba" bezala

Loiola inguruko Oiarzabal eta Azkune eremuak etxebizitzak egiteko gune bezala daude izendatuta gaur egun. Baina, ezker abertzalekoen proposamenaren arabera, bi gune hoiek "erreserba" izatera pasatuko lirateke. "Hau da, gainontzeko eremuetan jartzen diren helburuak aurrera atera ezin daitezkeenean bakarrik erabili ahalko dira", diote.

Aisialdirako berdegunea

Izarraitzko eremuan, Esklaben inguruan, egin duten proposamena hau da: Esklabetatik Azkunera arteko zatia ekipamenduetarako gordetzea; parke edo aisialdirako berdegune publikoa izateko. Hori aurrera aterako balitz, Esklaben atzean 150 etxebizitza egiteko prest leudeke, baina "atzean egin eta babes ofizialekoak baldin badira". "Eremu hori dena etxez betetzeak herria parke edo berdegune gabe utziko luke. Gainera, eremu horretako lurjabe nagusia udala da, beraz ekonomikoki proiektua egingarria da", esan dute ezker abertzalekoek.

Eremu horren inguruan EAJk eta EAk egin duten proposamenaz ere aritu da ezker abertzalea. "EAJk eta EAk Esklabetako eremua bi zatitan banatzea proposatu dute. Esklabetako aurrealdean eta atzealdean 200 bat etxe egitea proposatu dute, eta Esklabetatik Azkunera artekoa erreserba izendatzea". Baina, ezker abertzalekoen ustez, horren atzean beste "intentzio bat" dute, "Azpeitiko EAJren eta EAren proposamen horren barneko intentzioa, Izarraitzeko eremu dena etxez betetzea da, baina bi fasetan. Guztira ia 700 etxebizitza eraikiz".

Labeak lekuz aldatzea luzatzen bada, herriko gainontzeko eremuetan mila etxe egiteko aukera dagoela azaldu du ezker abertzaleak. "Horietatik erdiak baino gehiago babesekoak izango lirateke, beraz Izarraitzeko eremu dena etxez bete gabe etxebizitza premiari erantzuteko nahiko eskaintza badago", diote.

Bidali:  

Erantzunak

olaote | 2010-12-07 : 17:12

joooiñño¡ auek dituk itenzio onak dituenak gizaseme auek, baiño esan debena esateko ez debe burue asko
nekau, lehen de bizi gaur gallardo edo amueko zona etxiek egin, eta gaiñera babes ofizialekuek,ori alda gallardok eskatu duena,zeren da eskerreko auek ondo baino obeto dakite zer eskatu duten, eta zer nahi duten,baino ezdakik zergatiken ez diguten publikoki ezan nahi,baino ori bai eremu ori 8 kampo fultbol omen dira,zergatik ezdigute ezan nahi zemat etxe izango diren babesekoak eta udalak or zer duen.
ezan nahi det baita etxebeltzizarra ere 8 kampo futbol direla,eta zuen esanetan,etxe multzo aundiegia ikusten omenda, ba imaginatu leku berean iru aldiz etxe gehiagok zer itxura emango dion inguruari.Bestetik esklaba ingurian lur sail haundiak omen ditu udalak eta orren amparoan parque egin, diozzz. ona, ii iñaki zer lur ditu udalak eremu ortan?
ba badiridi ez dakidakala, ba nik ezango diat, ikasberrik ikastola egiteko eman izon lurra, besterik ez, eta gero beste lur zati bat goiko mongakin tratua hitz emanda zar etxea egiteko eta egiten ez bada bueltatu egin behar dena, edo erosi. oseake gezurrik ez gehiago, eta obedek etxebeltziazarrakoei agindu ukana betezea, pasatu baidira urteta erdi eta lehenean edo okerro ziok eta orko arazoa.

iru | 2010-12-07 : 19:12

Google Earth tik ikustek nun beharden berdegunea,eta justo justo geiago behardek Gallardo inguro orretan bestean baño.-Franziskanako bahatza kenduta etzeok ezerre.-
Ez dek argumento ona hori.
Equipamento aldetik beste tema bat dek.Hitz egiteko kontua hizengouke.Baño berdegune tema hori ez.

txikito | 2010-12-07 : 21:12

Leheno:
Jesuiten reserba espirituala.
Orain:
Ezker abertzalean reserba urbanistikoa.
Barkatu,estiat ezerre ulertzen.

TOPANGA | 2010-12-10 : 09:12

Beno, hemen ikustean gauza bakarra dek, ez Olaotek, ez iruk eta ez txikitok, aurrena euskeraz idazten ni puta idea eztaukezuela. Eta bigarrenez, gai honi buruz iritziye ematen ai zeatela bate informau gabe. Hau da, alper-alperrik jardun kaka mareatzen.
Etxe-Beltz Izarran etxie tokau zikoben danak, eo zerbait inporta zikobenak beintzet, garbi zaukeau udaletxetiken zeinek esan zigun egiye eta zeinek gezurre. Bai EAJ-n aldekuek dienak eta baita ANV, EA edo ARALAR-kuek. Julianek + bere mahai fantastiko horrek marea gintuen bezela, bilera bakoitzien diskurtso desberdine eta beaiei komeni zitzekobena. Hori dana 5 aldiz informaziyue eskauta.
Bestalde Iñakik + bere taldiek (bereziki Iñakik) hilero edo 3 astero informatze gintuen azken nobedade guztiekin, eta neuk zihurtau laiket egiyek ziela danak. Gero ados eotie edo ez beste gauza bat dek, baino beintzet egiye aurretik eta gauzak garbi esplikauta. Ta ez alkatiek montatze zitun Show eta antzerkiyekin, azken fiñien beak nahi zuna in eta inorrri kasoik egin gabe.
Zuek hirurok, xeoxe-xeoxe informau gutxinez halako ahokak soltau aurretik.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu