Plan Orokorraren eztabaida "oraindik itxi gabe" dagoela dio ezker abertzaleak

Urola Kostako Hitza | Politika
2010ko aza. 29a, 16:11

Ezker abertzalekoek, "Plan Orokorraren edukietan akordiora iristeko proposamen bat" egin diete gainontzeko udaleko ordezkariei

"Beraz, akordio on batetara iristeko ateak zabalik jarraitzen dute udalean", esan dute

Azpeitiko Hirigintzako Antolaketarako Plan Orokorraren edukiaren inguruko eztabaidak zabalik jarraitzen duela azaldu du Azpeitiko ezker abertzaleak, "eztabaida oraindik orain puri-purian eta irekita dago". Ezker abertzalekoek, "Plan Orokorraren edukietan akordiora iristeko proposamen bat" egin diete gainontzeko udaleko ordezkariei. Gainera, joan den astean alkate dekretuak beraiek egindako proposamen horri "ateak irekita" utzi dizkiola azaldu dute. "Beraz, akordio on batetara iristeko ateak zabalik jarraitzen dute udalean", esan dute.

Orain dela hamar egun Azpeitiko EAJko Uri Buru Batzarrak eta EAko herriko batzordeak , bakoitzak bere aldetik, Plan Orokorra idazten ari den taldearen irizpide orokorrekin bat egiten zutela adierazi zuten.

"Isilpeko" akordioa

Ezker abertzaleak atera berri duen oharrean salatu duenez, Azpeitiko EAJko alderdiko batzarrak eta EA alderdiak "isilpean akordio bat adostu" dute: "Akordioan Corrugados eta Izarraitzpeko eremua izan dira ardatz, eta EAJko batzarraren eta EAren akordioak Izarraitzpen ia 700 etxe egitea ahalbideratuko luke". Baina, ezker abertzalekoen arabera, herriko bi alderdietako ordezkarien hitzarmen horrek hautsak harrotu ditu: "Asmo horrek bai herrian eta baita EAJn bertan ere aurkako iritziak sortu ditu. Hori baieztatzeko, ezin dugu ahaztu EAJko Udal Gobernuak orainarte Izarraitzpe eremua herri erabilerarako ekipamenduetarako izendatu eta babestu duela".

Horrez gain, Izarraizpeko edo Esklabetako eremuan "hainbeste" etxe egiteak, Corrugadoseko labeen toki aldatzeari sortzen dizkion eragozpenek "eztaibada areagotu" dute aurrez aipatutako aldeen artean. Eztabaida hoien aurrean EAk eta «bereziki EAJk» euren proposamena "berregokitu" dutela azaldu du ezker abertzaleak.

"Proposamen eraberritua"

Akordioak izandako aldaketa horrek, berriz, ezker abertzaleari "akordiora iristeko proposamen eraberritu bat egiteko" aukera eman diola gaineratu dute. "Proposamena orain dela bi aste azaldu genien gainontzeko alderdien udal ordezkariei", diote joan den ostiralean kaleratutako oharrean. Ezker abertzaleak azaldu duenez, joan den astean onartutako alkate dekretuak "ateak irekita" utzi dizkio eurek egin duten proposamenari: "Hori da gaur egun ofizialki udalean onartu den azkenengo dokumentua". Ezker abertzaleak Plan Orokorraren baitan egin duen proposamen hori "datozen egunotan" jakinaraziko dutela esan dute.

Bidali:  

Erantzunak

bakarra | 2010-11-29 : 17:11

Izarraizpeko edo Esklabetako eremuan "hainbeste" etxe egiteak, Corrugadoseko labeen toki aldatzeari sortzen dizkion eragozpenek "
LEHEN DA BIZI LAN POSTUAK.
Eragozpen aundiena da behar diren 115 MILLOI EURO,Lasaon burni tallerbat jartzeko,neurri ortakoa ,beste dena da kontua eta gezurra.
Bateko beste 110 MILLOI EURO gutxi gora behera.
NUNDIK ATERA BEHAR DITU -EREn- DAGOEN ENPRESA BATEK.
IÑOK EZ DAKI ZER GERTABEHARDUN.-KRISI ONETAN-.
LEHEN ETA BIZI LAN POSTUAK eta Gero beste dena.

bakarra | 2010-11-29 : 19:11

Gallardok eremu orretan duenien permisoa etxeak egiteko,tallerra itxi,dirue hartu eta or konpon.
Lehen da bizi , Lasaon egin (2 edo 3 urte), enpresa martxan jarri eta gero permiso denak etxeak edo egin behar dena egiteko.Bitartean ezerrez.

txikia | 2010-11-30 : 09:11

Eztakit konturatze zeaten, gallardo dela bere eremuen etxiek eiteko interes handiena duena... Tajada on bat ateakoulako hortik, eta Lasao-a juteko behar omen dituen 110 milioi hoietarako eundoko laguntza izangoalako. Eta nik dudaik eztauket: herritarrontzat hori da onena. Zona hori etxiekin eta ibai ondoko paseo batekin berritzie, eta Loiolako zona parke eta basoz beteta uztie. Ze Loiolabiden etxe gehio eiten haste badie, corrugadosen lurretan etxe beharrik ezta egongo, eta han geraukoie labe guztiyek. Izan e, batenbatek sineste al du 8 urteako onartzea dijuen plan baten barruen, 2.000 etxe eingoiela gure herriyen? benga!!! gaur egunguek ezin salduta dabiltze eta.. Konturatzen Azpeitiyen guztira 6.000 etxe daudela, eta beste 2.000 eiteko plan bat onartzea doazela? %25 gehio? Herriyek ze pasau behar du, 14.000 biztanletik 18.000a edo? Ez gaitezen engañau: eztabaidie da etxiek Loiolabiden eingoien eo corrugadosen.

bakarra | 2010-11-30 : 17:11

Hitz egiten dek , zenbat biztanle eta abar .6.000 etxe eta abar.
Hori ez dek tema.
Asuntoa dek lan postu denak errespetatuiez,labea ortikan atera ,eta etxeak modu onean egin.
Lehen da bizi, lan postuak.
Pixkabat konturatzen bahaiz(ohin) txanponik etzeok ori egiteko.Ez da terrenuen truke dirue jasota.
Hik ire poltxikotik ez baldimadek jartzen.

bakarra | 2010-11-30 : 17:11

Eztakit konturatze zeaten, gallardo dela bere eremuen etxiek eiteko interes handiena duena... Tajada on bat ateakoulako hortik, eta Lasao-a juteko behar omen dituen 110 milioi hoietarako eundoko laguntza izangoalako. Diferentziye ire poltxikotik jarrikodek bi txanpo direlako.-Enpresa EREntzeok.-Kontus-. Eta gero zer enpresa itxi ,jendea kanpora eta or etxeak.(Politxe panorama,azpeiti batentzako,orixe bakarrik faltazikuk). LEHEN DA BIZI LAN POSTUAK. Eta Gallardo ez dek bere garbitasunagaitik nabaritzen. Bestela Kaos en la red irakurrizek. Lehen da bizi enpresa egin Lasaon,lan postuak pasatu eta gero naidekena. Beste aldetik 3 edo 4 urte etxerik egingabe,labea or dagoelako(Beti lan postuak errespetauiez),beste alternatiba bat billatubearkodik etzakiat zein,baño beste bat bai. Zer da premiaskoa lan postuak edo etx

bakarra | 2010-11-30 : 18:11

Bukatzeko:
Hobeye ANV,EA,PNV-EAJ,ARALAR eta abar ,argi ibitzea Gallardorekin zergaitik gola sartukozoabe eskuadratikan.
Dirua jaso eta tallerra itxi.

txikia | 2010-12-02 : 17:12

hi, ez al ginen etxebizitza gaiyeatik ari????

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu