Gaurtik (igandea) aurrera Azpeitian ezin da seinale analogikoa jaso, hona ere heldu delako itzalaldia eta hasi delako aro digitala soila.
Itzalaldiarekin, telebista ikusteko etxeko antena egokituta eta tresna bakoitzerako dekodegailua behar da. Euskaltelen zuntz optikoa sartuta dagoen etxeetan ez da dekodegailurik behar. Aditegi Gipuzkoako Antena Instalatzaileen Elkarteak adierazi du azken egunetan ez dutela larritasunik izan, eta herritar gehienek euren etxeko antena egokitua dutela.
Azpeitia ondoko hiru herritara ere iritsi da gaur itzalaldi analogikoa: Errezil, Beizama eta Bidania-Goiatzera. Gipuzkoan herri hauetara ere bai gaur: Antzuola, Ezkio-Itsaso, Gabiria, Urretxu, Zumarraga, Aretxabaleta, Eibar, Elgoibar, Elgeta, Eskoriatza, Legazpi, Arrasate, Oñati, Soraluze, Leintz Gatzaga, Bergara eta Mendarora.