Azpeitiko Kultur Mahaiak datorren asteartean (hilak 22) egingo du hurrengo batzar nagusia. 20:30ean hasiko da, Baigera aretoan. Mahaiko kide denek jasoa dute deialdia.
Gaiak:
- Komunikazioa. Kultur weba aurki sortuko du eta beste egitasmoak.
- Azpiegiturak. Sanagustin kulturgunea. Azken pausoa falta da irekitzeko. Espainiako Gobernuaren tramite bat besterik ez da geratzen.
- Urteko kultur egutegia. Kultur Mahaiko Talde Eragilea aurki hasiko da elkarteekin bilerak egiten egutegiaz. Uztaileko batzarrean onartu zituzten irizpideak.
- Kultur Mahaiko elkarteko bazkidetza. Kanpainaren hasiera proposamena.
- 2010eko aurrekontua. Udal taldeekin bilerak egingo dituzte laster.
Udal taldeek, udal kultur teknikariak, herriko kultur elkarte denek eta norbanakoek osatzen dute Kultur Mahaia.