"Injustizia handia da hau"

Mikel Azkune ('Egunkaria'-ko azpeitiar langile ohien eta 'Berria'-koen izenean) | Komunikabideak
2009ko abe. 10a, 11:12

Txema Auzmendi 'Egunkaria'-ko auzipetuak hitzaldia eman zuen atzo gauean Azpeitian, jende askoren aurrean

“Ez naiz damutzen egindako lanaz; guk badakigu ez dugula deliturik egin”

a22.jpg

Baigera aretoa dena bete zen atzo (asteazkena) iluntzean Txema Auzmendi Egunkaria-ko auzipetuaren hitzaldia entzuteko. Datorren asteartean hasiko da epaiketa, Espainiako Auzitegi Nazionalean, eta horretaz eta 2003ko operazioaz mintzatu zen.

Hamalau urteko kartzela zigorra eskatu dute haren aurka, baita hamabost urteko inhabilitazioa ere. 1990etik 2003ko otsailaren 20ra arte —Guardia Zibilak kazeta itxi arte—, Egunkaria SAko Administrazio Kontseiluko idazkari izan zen.

Hona hemen Auzmendiren atzoko hitzaldiko esan batzuk:

  • “Ez naiz damutzen Egunkaria-n egindako lanaz”.
  • “Atxilotuta nengoenean, Del Olmo epaileak galdetu zidan ea Egunkaria-ko Administrazio Kontseiluan idazkari aritzeagatik zenbat kobratzen nuen. ‘Ezer ez’, erantzun nion. ‘Gehienez ere bazkariren bat’ —hasiera garaietan Donostian bazkaltzen genuen, Zapateria etxeko jatetxean—. Kontua da Del Olmok ez dakiela zer den militantzia, gaztelerak ez duelako behar halakorik”.
  • “Egunkaria-ren kontra egindakoan, hasieran Guardia Zibilaren eta auzitegiaren argudioak diru kontuak izan ziren. Gero ez zutenez horretaz ezer aurkitu, ETArekin lotzen hasi ziren Egunkaria”.
  • “Guk badakigu ez dugula deliturik egin”.
  • “Zuena, herritarrona, izugarrizko babesa da, baina epaiketarako bertarako ez da bermea. 2003ko operazio handi hura egin eta gero, bost auzipetuon artetik batek batek edo batzuk ordainduko duten beldur gara”.
  • “Injustizia handia da hau guztia, eta ezin da salatu gabe utzi”.
  • “Nik Del Olmo epaileaz ezin dut ondo hitz egin. Ziegetan gure egoera zein zen ikusi besterik ez zegoen”.
  • “Ni neu ez ninduen torturatu, tratu txar fisikorik ez nuen jaso. Besteak bai, torturatu egin zituzten. Jendea torturatzeko leku ‘egokiak’ dira ziegak”.
  • “Diginidad y Justicia eta AVT dira gure kasuan zigor eskaerak egin dituzten bakarrak. Politika baten zerbitzura daude haiek. Mendekua bilatzen dute. Jende liberatua daukate horretarako, eta Espainiako Estatutik dirua lortzen dute, laguntzak”.

Argazkian, hitzaldiko une bat.

Bidali:  

Erantzunak

ander | 2009-12-10 : 13:12

On Txema Auzmendi apaiz jaunak Meza ospatu eta Ejerzizioak eman behar ditu Josulagun on bat bezala! Saninaziok burua altxako balu!!!

jaione | 2009-12-10 : 14:12

ander, zuk munilla nahiago, ezta? Sartu zaitez saninaziyo eta bien tartean, hortxe egongo zara-ta poz-pozik. Dena den zure komentarioak ez dira kristau zintzo batenak, hala iruditzen zait neri behintzat. Konfesatu egin beharko zenuke. Gorrotoa; eta gorrotoa isurtzen dute zure hitzek, kristauen bizitzetatik kanpo zegoela uste nuen...
Besarkada bat eta indarra bidali nahi nizueke injustizia honetan murgildu zaituzteten guztioi

bi | 2009-12-10 : 14:12

uztarriari...
nahiko modu ironiko ta iraingarriyen idatzita daola iruitze zait aurreko hau... lehen bi zauden ta oain bakarra utzita ematen du etzaizuela hala danik iruitzen...
"hijoputa" hitze agertu ber al du hortako?
gatazka honen beste biktima batzuatik holako ironiekin hitzeingo balitz....???

txikia | 2009-12-10 : 17:12

ander, jun hai pikutea, garbi esanda. Ironi tonto horrekin beste danak baino lixtue sentitzean jendiek nazkie emateik.. Ta ez etorri gero biolentziyen inguruko leziyuek ematea foro honta... ikustek eta zenbat inporta zaiken biolentzi mota bat.

JoxeJoxe2 | 2009-12-10 : 18:12

ander,
Etzekiat ondo ulertu diaun.

pentsamenduaskea | 2009-12-10 : 18:12

Txema Auzmendi irakasle izan nuen garai batetan. Ejerzizio espiritualak egin genitun berarekin, baina bera ez zen mesa eman eta txikiteon ibiltzeko hoietakoa beste batzuk modun. Presoak bixitatzera jaoten zela eta hori kontatzen zigula dut gogoan.Ez dakit zein preso, baina ea hemendik zein gean ezagutzen ez dugun eta preso dagoen jende horri minutu batzutan konpainia egiteko gauz.Hau da beste gauz batzuen artean gogoan dudana. Oso erraza da mesa eman eta politikoki zuzena izan eta kito.Zaila dena da bestea, pentsatzen duguna esatera eta egitera arriskatzea, preso erortzeko beldurrez gaur egun.
Ander agian zuk ausnarketa bat egin behar zenuke eta pentsatu zeu nolako pertsona zean, eta ez esan bezteoi zer egin behar dugun.

Jonmi | 2009-12-10 : 19:12

Animo Txema!
Akusatuek erakutsi duzuen indarra eta duintasuna harrigarria da! Eutsi goari lagun! Zuekin gaude!
ander...malizi espainolez beteriko xaguxar hori. Jesukristok ikusiko balu gaur egun zertan bilakatu den Eliza (hi ta hi bezelako faxistekin, Munilla barne), nik uste diat ez zuala gurutziltzatzen utziko eta korrika alde egingo ziala. Galtzaile hori.

ander | 2009-12-12 : 14:12

Nere ustez exajeratzen ari zerate. Uste dut nire hitzetan ez dela ez ironiarik, ez errespetu faltarik egon. Besteon hitzetan bai ikusi dudala gorrotoa, errespetu falta eta iraintzeko gogoa... Dentistak, abokautak, bonberoak, astronautak, albaitariak, monjak, etb. luze batek beren "bokazioa" eta egiteko garbi duten moduan eta horretarako eskeintzen dute beren bizitza guztia, uste dut On Txemak argi izan behar lukeela zertarako egin zen Josulagun; ez dut besterik esan... Hor ironia, iraina, gorrotoa, españolismoa eta biolentziye ikusten duenak, badaki zer egin behar duen: SENDATU!!!

Juanito | 2009-12-12 : 15:12

Jode, tipo hau gaixo zeok...

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu