Reala eta Real Unionen arteko derbian lau azpeitiar izango dira

Uztarria.eus | Kirolak
2009ko abe. 4a, 11:12

Bihar jokatuko dute partida Anoetan, 18:00etan

Hurrengo urteari begira helburu ezberdinak dituzten arren, oso garrantzitsua da partida irabaztea bi taldeentzat

Mikel Aranburu Realeko jokalari azpeitiarra.  Argazki originala

Bihar, larunbata, neurtuko dituzte indarrak Realak eta Real Unionek. Anoetan jokatuko dute partida 18:00etan hasita. ETB1 katean ikusi ahal izango da zuzenean.

Real Union aurten igo da 2. Mailara eta Reala, berriz, azken urteetan maila horretan dabil, igo ala ez. Aurten, helburu ezberdinak dituzte bi taldeek. Reala mailaz igotzeko lehian dabil eta momentuz hirugarren postuan dago, lehenengo postuan dagoen Cartagenaren puntu berdinekin (26 puntu). Real Unionek mailari eustea du helburu eta momentu honetan 18. postuan dago, jaitsieratik puntu batera (15 puntu). Biharko lehia oso garrantzitsua izango da bientzat, hiru puntu garrantzitsu baitaude jokoan.

Azpeitiko bina jokalari daude talde banatan: Mikel Aranburu eta Mikel Labaka Realean eta Real Unionen, berriz, Jagoba Beobide eta Hodei Mendinueta. Talde bakoitzeko entrenatzaileak zein hamaikako aterako duen ez dago jakiterik oraingoz; baina, agian, lau azpeitiar ikusi ahal izango dira zelaian. Hori horrela bada, Azpeitia izango da partida berean zelaian jokalari gehien izango dituen herria.

Bidali:  

Erantzunak

maddik | 2009-12-04 : 12:12

Seguru lau egongo direla? Hodei Mendinueta ez da ari jokatzen. Orduan, hiru azpeitiar izango dira partiduan, beti ere beste hirurek jokatzen badute.

Urrutitiken | 2009-12-05 : 19:12

Aupa Maddi, jaso alie!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu