Gudari Egunaren harira deitutako manifestazioa, debekatuta

Urola Kostako Hitza | Politika
2009ko ira. 28a, 09:09

Eloy Velasco epaileak guztira 24 ekitaldi debekatu ditu, "Ekin eta Segik antolatutakoak" direla argudiatuta

Manifestazioa aurretik egindako ekitaldiak normaltasunez egin zituzten

Gudarien senideei omenaldia egin zieten Nuarben, larunbatean.  Argazki originala

Gudari Egunaren harira larunbat arratsalderako Azpeitian deituta zegoen manifestazioa debekatu egin zuen Espainiako Audientzia Nazionalak.

Gudari Egunaren inguruan antolatutako 24 ekitaldi debekatu zituen , atzo, Espainiako AudientziaNazionaleko Eloy Velasco epaileak. Haien artean, larunbaterako antolatutako ekitaldi nazionala ere debekatu zuen, nahiz eta epaileak autoan ez zuen zehaztu ekitaldi hori non eta zein ordutan egingo zen.

Hainbat tokitan antolatutako ekitaldiak debekatzerakoan (tartean Azpeitikoa) "ekitaldi horiek guztiak Ekinek eta Segik antolatutakoak" zirela argudiatu zuen Velascok, bi erakundeak legez kanpo daudela gogora ekarriz.

Nuarbeko ekitaldia, normal

Manifestazioaren aurretik egiteko antolatuta zeuden ekimenak normaltasunez egin zituzten Azpeitian. Haizea eta sustraiak dokumentala eman zuten ostiralean Azpeitian, eta larunbat goizean, urteroko usadioari jarraituz, omenaldia egin zuen herritar talde batek, Nuarben. Kurro, Pelitxo eta Otaegi azpeitiarrak izan zituzten gogoan.

Bertso doinuekin abiatu zen ekitaldia. Ondoren, senideei loreak eskaini eta aurreskua dantzatu zieten, omenaldi gisa. Testu bat irakurri ondoren, hamaiketakoa egitera joan ziren bertan bildutakoak.

Gainera, Azpeitiko hainbat tokitan Kurroren, Pelitxoren eta Otaegiren oroimenez ikurrinak jarri zituzten eta sua piztuta izan zuten ontzietan.

Hain zuzen ere omentzeko su horiekin lotuta gertakariak izan ziren larunbatean. Izan ere, hainbat herritarrek adierazi zuenez, 16:00ak aldera, Astotegi aldetik 12 ertzain inguru agertu ziren burua estalita eta su-itzalgailuak eskuetan zituztela. Ontzietako sua itzaltzeaz gain, ikurrinak eta argazkiak ere kendu egin zituzten. Ertzainek inguruari argazkiak ere atera zizkioten.

Bidali:  

Erantzunak

ezgeratuixilik | 2009-09-28 : 15:09

Hemen ez dago debekatuta oroimena, ETA da debekatuta dagoena.
Kalean buelta bat ematerik besterik ez dago, ikusteko ETAren borroka armatua ari zaretela bultsatzen.
Zer nahi duzute esan "IRABAZI ARTE" idazterakoan, tontuenak ere badaki horrek zer nahi dun esan, Inazio Uria bezelako errugabe gehiago akatuko duzutela.
Edo zer nahi du esan ETAko asesinoei "MAITE ZAITUZTEGU" esaten duzutenean, zuek zer pentsatsen duzute jendea tontoa dela?
Eta zergatik ez daukazue oroimen pixka bat, Kurro eta Pelitxo eta bere lagunak fusilatu zituzten bi langile azpeitiarrekin, iñungo arrazorik gabe, iñungo kontenplaziorik gabe, noski hoiekin ez zarete iñoiz akordatzen, beraien izenak ziren:
FRANCISCO MACHIO ETA INAZIO LASA.

IrekiAteak | 2009-09-28 : 20:09

Lehenik fusilatu egin zituzten eta orain, 2009.urtea pixkanaka bukaerara iristen doanean, oroimena ilegalizatu digue. Frankok fusilatutako nuarbetar bat oroitzea delitu omen da, poliziak Pasaian atxilotu ostea fusilatutako Kurro eta Pelitxo oroitzea delitua omen da. Eta noski, hor agertu ziren atzo ere legea betetzearen ardura duten gizon armatuak, festaren erdira. Inork beraien presentzia nahi eta behar ez arren, hor etorri ziren oroimena ilegalizatzera. Baina atzokoa ere, udan egin dituzten beste hainbat superoperazio bezala, buru eta hanka gabekoa zen. Plazan ordu erdi egon (umeak eta jendea beldurtu, festa giroa zapuztu...) eta hainbat azpeitiarrek ohiu batzuk egin zituztenean , indar erakustaldia egin zuten. Jendea pixkabat banatu zen, beraiek alde egin zuten eta hara non berriro bildu eta manifestazioa NORMALTASUN OSOZ egin ahal izan zen.
Zertarako holako zirkoa?? zerbait egiten dutela justifikatzeko?? Baina egin zutenarekin zer lortu zuten, herritarren aurrean gaizki geratzeaz aparte?? Ez zuten lortu manifestazioa eragoztea, kalea Gudarien omenezko kartelez josita zegoen, erakunde armatuaren aldeko pintadak zeuden...atzokoan lortu zuten bakarra, jendea gogo gehiagorekin manifestazioan parte hartzea izan zen. Eta zapalkuntza egoera baten bizi garela jende askok ikustea, beraiek ukatzen duten arren. Esku hutsik dauden herritarren aurka aurpegia estalita eta armaz josita mertzenarioak bidaltzeak, gatazka konpondu beharrean, areagotu egiten duela ikusiko dute egunen batea.
ETA OROIMENA EZIN DELA ILEGALIZATU ERE IKUSIKO DUTE

egiak | 2009-09-29 : 15:09

Irekiateak, Franko orain dela 34 urte hil zen eta Inaxio Uria orain dela urte bat erahil zuten, hori bai ezin dela ahaztu!!! "legea betetzearen ardura duten gizon armatuak " azaldu zirela diozu... azaldu ziren legea eta euskaldun gehiengoaren ( bai gehingoa lau katu bai zarete) hitza errespetatzen ez duten hiltzaileei guztiona den kalean ezin daitekelako omenaldi bat egin!!!! Zuk normala ikusten dezun manifestaldi eta kartelak euskaldun gehiengoaren hitza eta eskubideak zapaltzen ditu, guk gara zuen faxismo biolentziaduna jazaten duguna, ez alderantziz..
ETA EZ, HILTZAILEAK KARTZELARA, ETA eta bere TXIBATOAK KARTZELARA!!!
Zuek bai UTZI EUSKAL HERRIA PAKEAN.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu