Baserritarren produktuen merkaturatzeari buruzko inkesta egin daiteke

Uztarria.eus | Ekonomia
2009ko ots. 13a, 10:02

Udalaren webgunearen bidez egin daiteke

Arreta bulegoa ere jarri zuten, Sinkidatu Zaharreko bigarren solairuan

Urtarrilaren 22an azokako baserritarrekin egin zuten lehenengo bilera.  Argazki originala

Azpeitiko Udalak, EHNErekin batera, baserritarren produktuen merkaturatzeari inguruko azterketa bat ipini zuen martxan abenduan. Azterketaren asmoa azokaren ahalmen eta gabeziak ezagutzea eta baserriko produktuak komertzializatzeko modurik eraginkorrenak topatzea da.

Azterketa aurkeztu zuenean, Udalak azterketa parte-hartzailea egiteko asmoa adierazi zuen. Horregatik, arreta gune bat jarri zuten, elkarrizketatuak izango ez diren herritarrek euren iritziak eta proposamenak helarazteko gune bat izan zezaten. Orain, Udalak gaiari buruzko inkesta egiteko aukera zabaldu du. www.azpeitia.net webgunearen bidez galderak erantzuteko aukera egongo da. Ekimen horren bitartez herritarren iritzia bildu nahi da.

Udalak EHNE sindikatuari baserritarren egoeraren inguruko azterketa egiteko eskatu zion. Bertako baserritarrak eta erosleak elkarrizketatuko ditu EHNEk, eta eskualdean dauden nekazaritza elkarteekin ere elkarlanean ariko da. Gainera, inguruko herrietako esperientziak eta alor honetan egon daitezkeen diru-laguntzak aztertuko ditu. Bestalde, azokan parte hartzen ez dutenekin ere bilduko da, azokara ez joateko arrazoiak jakiteko asmoz.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu