Datorren martxoaren 8an, Emakumeen Nazioarteko Egunari begira, Urola Kostako Koordinadora feministak kartel lehiaketa deitu du. Emakumeen eskubideen aldeko aldarrikapena gai hartuta, nahi duenak bere kartel propioa egiteko aukera izango du.
Kartelak A3 neurria izan behar dute eta bi kolorez osatuta egon behar dute, txuriaz gain. Derrigorrezko testurik egon ez arren, antolatzaileek adierazi dutenez lemak garrantzia izango du.
Lanak entregatzeko epea otsailaren 16ra arte izango da zabalik, Azpeitiko Posta Kutxa 250 helbidean. Kartelarekin batera, egilearen datu pertsonalak bidali behar dira kartazal baten barruan, eta sobrearen azalean lema idatzi beharko da. Kartelak euskarri inprimatuan eta digitalean aurkeztu beharko dira.
Irabazleak asteburu bat nekazalturismo batean irabaziko du.