Azpeitiko Gizarte Zerbitzuen Sailak inmigrazioaren errealitateaz hausnartzeko bilera antolatu du biharko, asteartea. Antolatzaileen hitzetan, gaiaren inguruko "hausnarketa bateratua" egin behar da eta horregatik bilera irekia izango da. Bertan, gaiaren inguruan interesa duten herritar eta eragile guztiek hartu dezakete parte. Bilera 15:30ean izango da, Baigera I-en.
Azpeitiko etorkinen inguruko diagnosia eta Inmigrazio planaren nondik norakoak ere bileran azalduko dira. Gizarte Zerbitzuen Sailak jada egina duen diagnosiaren helburua etorkinen errealitatea ezagutzea izan da eta horretarako, udaleko sail, udalerriko eragile eta herritarren laguntza eta ekarpenak kontutan izan dira. Diagnostikotik ondorioztatutakoak biharko bileran azalduko dituzte.