EAk babestu egingo du zentsura mozioa, eta EAJk hartuko du alkatetza

Uztarria.eus | Udala
2008ko abe. 11a, 19:12

EAJk eta biek bilera egin dute gaur, Gasteizen; Julian Eizmendi izango da alkate berria, Iñaki Errazkinen partez

EA ez da sartuko udal gobernuan EAJrekin, eta honek gutxiengoan gobernatuko du

"Inazio Uria herriko semearen hilketa gaitzestu ez duen alkateak ezin du egon kargu horretan", dio EAk

Julian Eizmendi, 2007ko apirilean, Zelai Luzen.  Argazki originala

Julian Eizmendi EAJko kidea izango da Azpeitiko alkate berria, Iñaki Errazkin ezker abertzaleko taldeko kidearen partez. Izan ere, gaur (osteguna) 17:54an EAk prentsa ohar bidez jakinarazi duenez, EAJren zentsura mozioaren proposamena babestea erabaki du. Hala, biek aurkeztuko eta aterako dute aurrera mozioa. Eizmendi 2003-2007 legealdian ere izan zen Azpeitiko alkate; frankismoaz geroztik, 1979tik 2007ra arte beti EAJkoa izan zen herriko alkatea.

Dena den, EA ez da sartuko udal gobernuan EAJrekin, eta honek gutxiengoan gobernatuko du. Oposizioan geratuko da Eusko Alkartasuna.

"Inazio Uria herriko semearen hilketa gaitzestu ez duen alkateak gobernatzen jarrai ez dezan sartuko dugu EAJrekin mozioa", dio EAren oharrak. ETAk hil zuen Inazio Uria Altuna y Uriako enpresaburua, abenduaren 3an, Loiolan, tiroz. "Alkate horrek ezin du kargu horretan egon. Beharrezkoa da aldaketa ahalbidetzea", esan du EAk gaur arratsaldean.

Lehengo asteazkenean bertan EAk udal gobernutik irten zuen, eta gaur hartu du gaurko alkatea kentzeko erabakia.

EAk ETA kritikatu du prentsa oharrean, "ANVk eta EAk klabe abertzale eta aurrerakoian Azpeitian egindako lana hankaz gora bota duelako".

Goizean egin dute bilera, Gasteizen

EAJk eta EAk bilera egin dute gaur goizean Gasteizen, Inazio Uriaren hilketa dela-eta Errazkin alkatearen aurkako balizko zentsura mozioaz hitz egiteko.

EAJtik Iñigo Urkullu Euzkadi Buru Batzarreko (EBB) presidentea, Joseba Egibar EAJko Gipuzkoako presidentea eta Pello Elorza Azpeitiko EAJko lehendakaria egon dira bileran, eta EAtik Unai Ziarreta presidentea eta Rafa Larreina zuzendaritzakidea.

EAJ lehengo astetik prest azaldu da mozioa sartzeko, baina gutxienez beste zinegotzi baten babesa behar du. Izan ere, zentsura mozioa aurkezteko eta honek aurrera irteteko gehiengo osoa behar da, eta EAJk ez du halakorik Azpeitiko Udalean. Zortzi zinegotzi ditu eta bederatzi behar dira, hamazazpi zinegotzik osatzen dutelako herriko Udala. EAk bi hautetsi ditu eta Aralarrek bat. Ezker abertzaleko taldeak —horko kide da Errazkin alkatea—, sei.

Aralarrek joan den asteburuan jakinarazi zuen ez duela halako moziorik babestuko.

Ezker abertzaleko taldea Uriaren hilketaz geroztik bakarrik dago udal gobernuan, EAk eta Aralarrek utzi egin zutelako, talde hark gaitzespenik ez zuelako egin. Iazko ekainetik egon ziren hirurak gobernuan.

Bidali:  

Erantzunak

ulertunahi | 2008-12-11 : 20:12

Aizu, eta orain arte ez al zenekiten EAko arduradunek ANVk ez dituela ETAren ekintzak kondenatzen?
Gauza bat da herritarrak Errazkinek eta bere taldeak atentatua kondenatzea nahi izatea, baina errealitatea bestelakoa da eta Gobernua osatu aurretik hori oso ondo zekiten EAk eta Aralarrek.

132 | 2008-12-11 : 20:12

**LOTSAGARRIA**.Garbi geratu da PNVeren helburu bakarra. BOTEREA!!!. PNV izateko nahikoa kostatu zaio EA konbentzitzea, astebete alajaina!!!!
Urkulluk eta Ziarretak ez dute Azpeitiko alkatea aukeratu behar.

Inaki | 2008-12-11 : 21:12

Lixkarra, enfrentamendua eta ezin ikusia ekarriko duela zentsura mozioak diozu Jonmi. Zergaitik? Ez da bere garaian Errazkin alkate aukeratu zuten bezain demokratikoa eta legitimoa? Gehiengo batek hori nahi badu, lehen bezala, non da arazoa? Hemen dagoen arazoa hauek ukiezinak direla da. Guk, gainontzekook, ANV, HB, Ezker Abertzalea, eta beste hainbat izenen mantapean ez gaudenok ezin dugu horrelakorik egin. Bestela, badakizue, irainak, mehatxuak, mehatxuak baino zerbait gehiago, alkatearen kotxea erre, pinturaz margotu, alkatearen etxe aurrean elkarretaratzeak egin espainola deituz, faxista deituz, torturatzailea deituz,... Guzti hauek gertatu dira eta gertatzen dira. Errazkinek alkatetza eskuratu zuenean (beraien terminologian lapurtuta, herriaren borondatea zapalduta) ez zen lixkarrik, enfrentamendurik eta ezin ikusirik izan. Alkatetzan izan den urtebete luze honetan ere ez da horrelakorik izan. Beraz, zergaitik Eizmendi Alkate izaten bada lixkarra eta enfrendamendua?. Erantzuna garbia da. Ez garelako berdinak, zorionez! Batzuk, hoiek, mehatxua, iraina, lixkarra eta enfrentamendua zilegitzat dutelako. Herailketa baten aurrean samintzen direlako baina ondo edo gaizki dagoen ezin dutelako esan, gai ez direlako edo benetan ez dutelako sinesten bereizketa horretan. Nik ez dut isildu nahi mehatxu horren aurrean eta argi daukat Eizmendi alkate izendatzen badute, Eizmendi berak Errazkini Alkate bezala erakutsi dion errespetua zor diola Errazkinek. Eta errespetu hori ez bada, lixkarrak, enfrentamenduak eta ezin ikusiak badaude arduradun nagusia Errazkin izango dela.

Jonmi | 2008-12-11 : 21:12

EAJ-koa izaki, ez dut begi onez ikusten alkate aldaketa hau. Goitik agindua izan bait da eta Juliani baietz esatea besterik ez bait zaio gelditzen. 2 urte itxaron besterik ez genduen, gutxienez 5000 bozka lortuko bait genituen! Lixkarra, enfrentamendua eta ezin ikusia ekarriko du honek gure herrira. Hainbeste inteligentzia zertarako? Ez al zarete konturatu ETAren estrategian erori zaretela? Zer nahi du ETAk? ANV-k gobernatzen duen herrietan kalapita, egonezina eta haserrea sortzea. ETA-k Azpeitiko udaletxea EAJ-ri eman nahi dio, era horretan, ezker abertzaleko herritarrak letxe txarrean jarri eta ixkanbilak egitera bultzatzeko,(borrokak, pintadak, erreketak...). Azken finean, ETA-ren lema beti izan da: Gero eta egoera txarragoa, orduan da hobeago guretzat. Bere jarraitzaleengan eragin, gero eta ingurune basati eta biolentoagoa egoteko. Horrek ez du logikoa ematen, baino ETA-k horrela funtzionatzen du. ANV alderdi on bat iruditzen zait, baino dagoeneko ETA-ri ez hiltzeko eskatu behar dio, publiko aurrean egin nahi ez badute, pribatuan. Zer irabazten da herritar bati bi tiro emanda? Zerbait aurreratzen al da guztiok nahi dugun eraikuntza nazionalean? EZ. Urteen poderioz, ETA-ri armen menpekotasunak irabazi dio. Zein boteretsuak egiten gaituen armak izatea, ezta? Arma bat eskuan edukitzeak indarra ematen du, segurtasuna, boterea. Nik nere etxeko karabinarekin egin dut froga, zer izango ote da benetako arma bat eskuan edukitzea! Dagoeneko ETAk ez dio irabaziko borroka bere armei, oso zaila izango baita hauentzako armei uko egitea. Esan bestela aberats bati dituen milloi guztiak itsasora botatzeko. ETA soberan dago jada eta bere disoluzioa eskatzen dugu euskal herritarron gehiengoak. Honela irudikatzen dut nik etor litekeen ustezko pake bidea: Odol krimenik ez dituzten guztiak kalera, odolezkoak dituztenei kondenak jeitsi, hitza besterik erabili ez dutenak ere kalera (18/98), amnistia, segi, haika, jarrai..... Zentzurik gabe, euskaldunoi diguten amorruz eta indarrez itxitako euskal irrati eta prentsa komunikabideei egindako kaltea ordaindu. Une jakin batzuetan suertatutako egoerak medio sortutako lege antidemokratikoak deuseztatu, lege antiterrorista esaterako. Dispertsioarekin amaitu. Espainiak autodeterminazio eskubidea onartu beharko liguke, eskubidea dugulako. Eskubidea esan dudanean ez dut esan autodeterminazioa ematea, baizik eta galdekatuak izateko eskubidea. Baietz irteten dela? Zoragarri. Ezetz? zer egingo diogu ba... Baino behintzat euskaldunoi zor zaigun eskubidea ez ukatu. ETA-ren partetik, politika ezker abertzaleari egiten utzi, ETAk ez dauka eskubiderik politikan muturra sartzeko. Armak utzi. Ezker Abertzaleak gogoeta sakon-sakon bat egin beharko luke. Amildegian behera eroriko da ez badio ETA-ri gelditzeko eskatzen. Pakea nahi dugu! Armek ez dute lekurik gurean. Inazio Uria erahil zuten lekuan oroitarri bat jartzea proposatzen dut. Besarkada haundi bat familiari.

Bettini | 2008-12-11 : 21:12

Berriro ere Azpeitian eskubira.
EUSKO ALDERDI JELTZALEA.
DIRUA TA BOTEREA !!

azpeitiku | 2008-12-11 : 21:12

asunto onek eztu ekarriko inaxio gure artera ee!!
animo familiari!!!

egiak | 2008-12-11 : 21:12

lizkarra eta ezinikusia ETAk eginiko erehilketa eta udal gobernuaren koldarkeria ekarri dute... alkate hau ze pertsona mota den ederki erakutsi du aste hontan eta herriaren gehiengoak ( hau da demokraziaren puntu nagusia)argi erakutsi du ANV Azpeitiar guztion udaletxetik kanpo ikustea nahi duela. ANV ez zen alderdi botatuena izan, EAJ izan zen, eta ANVren bidailagunak biolentziaren trenatik jaitsi nahi dute, tren hori ez bai doa inora... ANV da herritar baten erahilketa ez zuena kondenatu, aste bat pasatu da eta alkatetza mantenitzeko aukera izan dute baino berriz txorradaz betetako beste komunikatu batekin agertu dira herritarren aurrean.

Begotxu | 2008-12-11 : 22:12

Hitz bat ez esatearen ondorioa.Atzera pausua haundia iruditzen zait berriro EAJ-tak alkatetza hartzea baina ematen duenez EA edo Aralarrek hartzea ezinezkoa izango zen EAJ-koek ere horrelakoak direlako, beti aurrean behar eta zerbaitegatik gutxiengoarekin lan egin beharko dute. Aurreko urteetan lana ondo egin balute, beraien artean elkartuko ziren.
Atzera pausu haundia, baino danok dakigu zenen kulpa izan den.

Jonmi | 2008-12-11 : 22:12

Inaki, arbuiagarria eta lotsagarria da Errazkinek atentatua ez gaitzestea baino ezin duzu jarri Errazkin gertatzen diren mehatxu, pintaketa eta erreketa guztien erantzule, ez dauka zentzurik. Bere garaian, Azpeitian aldaketa egin nahi zen eta egin zen. Nik esan dut ez nagoela ados aurreko hauteskundeetan sortu zen udal berria hankaz gora jartzearekin. Herriak emango dio merezi duen erantzuna hemendik bi urtera. Zer pentsatzen duzu ba? Herriak ahaztu egingo duela? Horren beldur al zara? Egon lasai, hemendik bi urtera EAJ-k denak aurretik eramango ditu eta. Udaletxera era horretan heltzea zilegiagoa iruditzen zait. Nik nere alderdiak egiten duen guztiarekin ez dut bat egiten, oportunismo eta interesak ikusten bait ditut, ez Eizmendiren partetik, goragotik baizik. Oraindik hilotza tanatorioan zela DiarioVascok alkatetza kendu behar zenaren hotsak altxatu zituen, negargarria iruditzen zait jarrera hori. Politikaz hitz egitea gizaseme bat hil dutenean. Ni ere ez naiz ANV udal gobernuan agintzen jarraitzearen aldekoa baino uste dut orain ez dela garaia, benetako erantzuna etorriko da, haundia, baino hurrengo hauteskundeetan. Udal gobernu bat era horretan hausteak ez dauka zentzurik, ETA-k lehenago ere hiltzen bait zuen.

miren | 2008-12-11 : 22:12

Lehenegoak, ULERTUNAIk,hau dio "Gobernua osatu aurretik hori oso ondo zekiten EAk eta Aralarrek ANVk ez dituela ETAren ekintzak kondenatzen".
ETAk ba ote zekien, horrelako ekintza batek, ANV alkatetzatik kenduko zuela??? Nere ustetan, bai. Horregaitik konturatu gaitezen ETAren ekintzek nori egiten dioten mesede eta kalte, noski lenengo kalte konpon ezina, bere famili eta ingurokoei, eta gero...
Noren mesedetan ari da ETA?? Nor berak atera ditzala ondorioak....

nekane | 2008-12-12 : 00:12

Julianek ez ditu biolentzia espresio guztiak kondenatzen!
Ez du sekula Ertzaintzaren biolentzia basatia kondenatu. Eta ertzaintzak ere hil izan ditu Euskal herritarrak. Adibiderik nahi?
Hipokrita zikinak!

azpeiti | 2008-12-12 : 00:12

zorionak EA!! jokaera zoragarriye!! paktu bat firmau, ta haizie kontra jarri dan momentuen hartutako responsablidade danak utzi, ta EURO ALDERDI JELTZALEA jarri berriz boterien. ondo. oso ondo!! guztiyok ikusiko deu nola KONDENATZEITUN eaj-k biolentzi guztiyek!!! moziyo etikue presenta zebenien herritarrak 4 biolentzi motan inguruen galderak intzixkoben da inor etzun kondenau ta batzuk justifikau intzitun gañea,biktimai arpeira parre iñez.

nekane | 2008-12-12 : 00:12

Azpeitian nahi zutena egiteko aukerarik ez, eta Gasteizen erabaki dute azpeitiko udalaren etorkizuna.
Julian alkatetza lortzeko edozer egiteko prest!!!
Hipokrita zikinak!

jozu | 2008-12-12 : 01:12

Nere ustez, azpeitarron gehiengoak udal gobernuak aurrera egin dezan nahi du.
EAkoek jakin behar lukete hori. Egoerari buelta emango dioten esperantzan gelditzen nahiz.
ANV-EA-Aralar AURRERA!!

Igor | 2008-12-12 : 07:12

1- Alkate aldaketak ez du inaxio berriz bizira ekarriko.
2- Erraxkiñ-ek izan du bere aukera eta ez du jakin herriaren konfidantzari erantzuten Herriak ez du Erraxkiñ alkate nahi.
3- Oraingo egoera hauteskunde emaitzen kalkoa da. EAJ alkate, (berak irabazi zituen hauteskundeak) minorian.
4- Ea orain ezker abertzaleak ze talante erakusten duen,(pintadak, kartelak, norbanakoei amenazak, herriko giroa tentsionatu…)

Herrikoa123 | 2008-12-12 : 08:12

LORTU DUGU! GORA JULIAN!
Uste dut Azpeitiar guztiok eskertu beharrean daudela Euskal Telebistak, Radio euskadik, euskadi irratiak eta herri irratiak azken egunetan sortzen lagundu duten giro egokia zentsura mozioa onartzeko.
Honez gain Iñaki Galdos eta Javier Beobidek era azpitik lan txukuna egin dutela uste dut.
Milesker guztiei!
Hala ere galdera bat daukat. Herritar baten hilketa salatzen ez duena ezin da alkate izan. Eta izan al daiteke zinegotzi? Hor uzten dut galdera...
Mila zorion Juliani.

ERITZ | 2008-12-12 : 08:12

zer dauka esateko ezker abertzaleak?
6 autetzikin udala mantentzea nahi al dute?
8 zinegotzi dituenak zerbait ordezkatuko du ezta?
Eta gainera BOTERE bila dabiltzala...Edo EGINBEHARREI AURRE EGITEN ARI DIRA?HERRIAK ESKATU DIENA EGITEN?
Alderantziz balitz nola salduko zenukete?
Orain ikusiko dugu AZPEITIA BERRIA (NIK ESATEN DUDANA EDO BESTELA tentzionamenduak, xextrak...alde batetik noski, baina orain arte ixil ixilik onartu bada gehiengoa, orain zergaitik ez?

Norah | 2008-12-12 : 08:12

Ea ba: hipokresiarik ez, mesedez. Orain Eizmendi alkate izendatzea zilegi al den? Jakina, baietz. Egoera honetan, ANV-EA-Aralar udal gobernua hautsita, Errazkinek baino zilegitasun handiagoa dauka, botoek hala diote. Baina hipokresiarik ez, mesedez. Arrasaten ANVko alkate batek gobernatzea zilegi da EAren ustez, nahiz eta ez kondenatu; Azpeitian, aldiz, ez da zilegi, ez duelako kondenatu.... Faborez. Behin hori esanda, ni ere Jozurekin ados: iruditzen zait azken urtebetean herrian asko egin dela aurrera, nahiz eta denean ere ez duen asmatu orain arteko udal gobernuak. Herriko taldeak, merkatariak, udal langileak, herritarrak oro har (ezker abertzaleko nahiz PNVko) gustura ikusi ditut nik, hasierako mamu haiek gainetik kenduta. Eta bukatzeko, eskaera EAri, Aralarri eta batik bat ANVri: azkenean PNVk hartzen badu alkatetza, errekonozitu ezazue alkatearen legitimitatea, ez erori haiek erori ziren jarrera tamalgarrian; baina behin hori errekonozituta, ez utzi urtebetean egindakoa pikutara bidaltzen. "Ni un paso atras".

nekaneneka | 2008-12-12 : 09:12

Hemen bakoitzak nahi dituen irakurketak egiten ditu. Nire ustez azkeneko hauteskundeetan EAJ izan zen zerrenda bozkatuena, baina EAJ alkatetzan egon nahi ez zuela bozkatu zutenak gehiago izan ziren. Horren isla izan da Udal Gobernu berria. Minorian agintzen hasten direnean ikusiko da zenbaterainoko zilegitasuna duten herrian, eta orain arteko Udalak herritarrekin elkarlanean aritzeko ireki dituen bideak mantentzen dituen ala ez izango da horren adibide. Nik pena eta beldurra dut, EAJren "diktadura" garaira itzuliko garela sinesten baitut. Minorian izanda umiltasun handiagoa erakustea eskertuko nieke, azken hauteskundeetan azpeitiarrek argi erakutsi baitzuten EAJren totalitarismoarekin aspertuta daudela.

ERITZ | 2008-12-12 : 09:12

Guztiz bat "nekaneneka"rekin .
Niretzat zilegitasun guztiarekin EAJk alkatetza hartu beharko luke, baina umiltasun piska bat ondo legoke.
Pena bat daukat.- Orain alkatetza kenduko diote ANVri eta ederki emango diote buelta panonamari (bereala dira biktima)Ederki argudiatuko dute HERRITARRA hiltzearen ISILTZEA eta PRESOEN(herri salbatzaileen)GORAIPATZEA.
SAN SEBASTIANETAN MOZIORIK EZ!!

Mollarri | 2008-12-12 : 09:12

Argi dago PNV-k beti tajada ateratzen diola honelako egoerei baina foro hontan jende asko dago Inaxio hil eta ezer idatzi ez zutenak. Noiz idatzi duzue? ba ANV-k boterea galduko duela ikusi duzutenean. Ez al zarete danak oso antzeko?

bi | 2008-12-12 : 11:12

kaixo,
foro hontan parte hartzen ai dienai jendeak irakurri egiten die eta herrian pentsatzen denaren inpresio bat barneratzen du... Nere ustez ez du inolaz ere herriko jendearen iritzia ordezkatzen hemen agertzen denak. Pertsona berdinak izen bat baino gehiagorekin idazten duelakoan nago. Gauza berdinak esan pertsona desberdinen izenean askoren iritzia hori denaren itxura emateko...
Kontuz ibil gaitezen foro hauetatik ateratzen ditugun h¡ondorioekin... ez dute errealitatea islatzen.
besterik gabe!

jackaubrey | 2008-12-12 : 11:12

ba nik ze naezue esatie... nik errazkinek ein dunan oso kontra azaldu nauk baino eizmendi berriz alkate??? ez faorez. ezin al die hauteskundiek aurreatu ta berriz ein?
holako gauzak gertatzeielako ez diat nik sinisten partido ta politika sistema hontan, danak boterie nahi diabe, pnv, anv, pp, ea ,... danak oi nazkie. ta bien bitartien inaxio bezelako errugabe bat erail eindiabe. EZIN DIAT GEYO, HAU NAZKIE EMATE ZUTENA DANAK!!!!!!!!!!!!

muskildi | 2008-12-12 : 11:12

Orain PNVk izango du label demokratikoa ezta?! Ni atentatuaren kontra nago baina ez dut uste hemen inor denik inori leporatzeko zein den demokratikoa eta zein ez.Argoilarekin ados nago. Horren arabera PNVk ertzantza, PSOE...aldaketa handiak egin beharko ditu ezta? Eta gainera erabakia non eta Gasteizen hartzen dute eta nork eta Urkullu eta konpainiak?Azpeitiko PNV eta EAk hartu balute sikira...Baina ez, azpeitiarron iritzia atzeko zulotik pasatzen zaie. Non dago azpeitiarron hitza? Hori al da demokrazia? dena faltsukeria iruditzen zait. Goi mailako politiko hoiekin nora goaz? Ze inporta zaie hoiei herria, konponbidea? azkenik nik ere nire animoak errazkini.onena haiz!

Anam | 2008-12-12 : 11:12

Espero det Julianek berriro alkatetzie hartzen dunien lehenbailehen jungo dala Garikoitz Etxeberria "Kafe" Haika gazte erakunde politiko-publikoko presue bixitatzea Galiziko kartzelara, ze Julian superdemokratikue da, ez? Ta gaixki iruditzen zako idea politikuek kartzelatzie, ez? Ta Kafe're, Inixio Uria bezela, azpeitiko semie da, ta bearen giza eskubidiek urraute daude, azken batien xei urtien daolako preso.

BAKEABEHARDUGU | 2008-12-12 : 11:12

Atzo kalean PNVko zenbait irrifarrez eta euforiko ikusi nituen. Azkar ahazten zaizkie hauei gauzak ez? Ah klaro boterea lortu dute eta!Hipokrisi gutxiago mesedez!
Hemendik nire animo eta besarkada beroena Iñaki Errazkini eta Uriatarrei!
Errazkin alkate!

JoxeJoxe2 | 2008-12-12 : 11:12

Anam,
ANVri eskatu zaion gauza berdina eskatzekotan Juliani eskatu beharko zaio esatea ea ados dagoen idea poltikoak kartzeleratzearekin. Seguru ezetz esango duela.
Kafe ideiengatik kartzeleratuta dagoen edo ez beste debate bat da. Inaxion kasuan dudarik ez dago erahil egin dutela.

JoxeJoxe2 | 2008-12-12 : 11:12

argoila,
ANVk alkatetza ez dik galdu Inaxio hiltzeagatik, gaizki iruditzen ez zaiola esan ez duelako baizik.
Eta ni ez nauk inor esateko ANVkoek zer pentsatzen duten eta zer ez duten pentsatzen, baina bai neure konkusioak ateratzeko. Momentu hontan ailegatu nauk konklusiora azpeitiko ANV ados dagoela ETAk egin duenarekin. Horrela ez bada, esan dezatela.

txuri | 2008-12-12 : 11:12

Arrazoia, ez al zarete konturatzen egoera hau zuek sortu dezutela, azkenean gainera kulpablea PNV izango da, faborez!! pertsona bat, herritar bat hil du ETAk eta Azpeitiko alkateak ez du kondenatu eta horren ondorioa da hau dena, ez asi kaka nahasten beti bezala. Azpeitiarrok ezin dugu izan alkate hilketa bat kondetzen ez duena. ETAK du errua. Zeuena da errua

bi | 2008-12-12 : 11:12

kaixo,
foro hontan parte hartzen ai dienai jendeak irakurri egiten die eta herrian pentsatzen denaren inpresio bat barneratzen du... Nere ustez ez du inolaz ere herriko jendearen iritzia ordezkatzen hemen agertzen denak. Pertsona berdinak izen bat baino gehiagorekin idazten duelakoan nago. Gauza berdinak esan pertsona desberdinen izenean askoren iritzia hori denaren itxura emateko...
Kontuz ibil gaitezen foro hauetatik ateratzen ditugun h¡ondorioekin... ez dute errealitatea islatzen.
besterik gabe!

argoila | 2008-12-12 : 11:12

Inaxio Uria ETAk hil du ez beste inork. Eta errua berea da ez beste inorena.Eta PNVk koherentzia berdina jarraituz PSOEkin akordio denak apurtuko ditu ezta?Izan ere PSOEk hainbat giza eskubide urratzen ditu ( torturak...). Eta Balzaren dimisioa eskatuko du ezta?Izan ere egunero bortizkeria baitarabil...
Hau da hau zirkoa!
Hemendik Iñaki Errazkini nere babesa adierazi nahi diot Azpeitiak izan duen alkate onena baita.
Animo errazkin!Eta animoak uriatarrei ere ( nahiz eta kokodrilozko malkoekin ibili diren zenbait jenderentzat iada ahaztuak zaudeten ).

Herrikoa123 | 2008-12-12 : 11:12

Mesedez ez konparatu PNV eta ANV. Ez konparatu demokratak eta biolentoak, ez konparatu Iñaki eta Julian.
Demokrazia berriz itzuliko da Azpeitira Julianekin, eta Urkulluk esan bezala guk egin beharko genukeena ANVko jende guztia baztertzea da, eta gero legeak egin dezala egin beharrekoa ANVko zinegotziekin.
Edo nola da posible esatea ezin dutela alkate izan baina zinegotzi bai? ANV kanpora udaletik!

Mollarri | 2008-12-12 : 12:12

Ados Eritz-ekin

JoxeJoxe2 | 2008-12-12 : 12:12

Ez ez det letu. Arritzen zait delituik ez azaltzea, beste gauz bat da froga sinesgarririk dagoen edo ez.
Ez naiz legegizona baina pentsatzen det sententzia bat diktatzen denean esan egin beharko dela delitua zei den. Kasu honetan " pertenencia a banda armada" edo " colaboracion con banda armada" eta abar.
Dena dela baliteke kafe eta beste askoren kasuan injustizia egi izana, ez daukat daturik hala izan eztela esateko.

Anam | 2008-12-12 : 12:12

Gaur goizin-goiz jakin detena: Azpeitiko EAkuek prentsatik enterau zien atzo arratsaldien EA nazionalak erabaki hori hartu zula.
JoxeJoxe2-ei: Kafe idea politikuengatik daukebe kartzelan. Letute al daukezu epaiye? Inon ez da ikusten delitoik.

ERITZ | 2008-12-12 : 12:12

EAkuek prentsatik enteratu diela beren goikoak erabaki dutena...GAIZKI
ANVk ez kondenatzie Azpeitikuen erabakiye izen al dek?
ETAn erabakiye edo gutxienez BERAIEN GOIKOENA edo beldurraren ondorio... OINDIK GAIZKIYO.
Lehenenak beintzet botuekin aukeraute izen dituk, beste pistolero hoiek berriz beraien burua aukeratu ditek.
SEGI JUSTIFIKATZEKO ARGUMENTO TRISTIEKIN, BETI BEZELA!!! SEGI KAKA NAHASTEN!!!

Mollarri | 2008-12-12 : 12:12

Zer inputatzen zaio kaferi? ez dakidalako galdetzen det. Eskerrik asko

aitor | 2008-12-12 : 12:12

"Azpeitiko EAkuek prentsatik enterau zien atzo arratsaldien EA nazionalak erabaki hori hartu zula."
Eta Azpeitiko EA-k desobedientiek izen ta ez badau moziyuen alde botatzen?????

mikel | 2008-12-12 : 14:12

JoxeJoxe2, ez dago legegizona izan beharrik ulertzeko, Kafe eta beste mordo bat gartzeleratuta egoteko arrazoitzen diren sentzentziatan egiten duten tranpa. "Pertenencia" inputatzen zaie, baina hori justifikatzeko ez dute elementu konkreturik jartzen. Esaterako, Jabiren kasuan armak izatea froga bat den bezala, Kaferen kasuan ez dago elementu konkreturik. Motxean, bahiketa politikoa dela ulertzeko ez dagoela legegizona izan beharrik.

JoxeJoxe2 | 2008-12-12 : 14:12

mikel,
Etzeukeat detaillek eta gainea eztiat nahi hemen kafei juizio berri bat eiteik, baino onartu beharko dek kafei egindakoa eta Inaxioi egindako ez direla berdinak. Kafen aurka inongo probarik ez dagoela horrelako argi badago errekurritu egin zitekeek.

mikel | 2008-12-12 : 15:12

JoxeJoxe2, nik ez dizkiat konparatu Kaferi egindakoa eta Inaxiori egindakoa, inondik inora.

xse | 2008-12-12 : 15:12

Pozten naiz Azpeitian alkatetza aldatu dutelako,aber azpeitian hemendik aurrera gauzak hobera doazen..

Anam | 2008-12-12 : 15:12

Jakin dedan bestie: herriko EAko arrai potolo batzuk ta PNVko beste batzuk (oingo ildokuen kontrakuek) ez debela nahi aldatzie alkatetzie

xse | 2008-12-12 : 16:12

ERITZEKIN ADOS nago
ANAM-i berriro:egia da kaferi bere bizitzako 6 urte izurratu dizkiotela,baina denborarekin baliteke kalera bueltatzea.
Inixio Uria ordea,hilda dago eta zoritxarrez ez da bere etxera bueltatuko.
Honek emetn dit neri pena haundiena.

xse | 2008-12-12 : 16:12

ANAM ez ditzazu konparatu kafe sei urtez kartzelan egotea eta inaxio uriaren erahilketa.
inaxio batere errurik gabe tiroz hil zuten,kafe berriz dauzkan ideia eta egin dituen gauzengatik egongo da gartzelan ezta?? ez nahastu gauzak hemen.

maddik | 2008-12-12 : 16:12

Xse-ri: ez nahastu gauzak. Badakit Inazio hil egin dutela, esan beharrik ez duzu, eta ez nago ados hilketa horrekin. Baina horregatik ez dira presoen eskubideak albo batera utzi behar. Ezta horien aldeko aldarrikapenak ere.

maddik | 2008-12-12 : 16:12

xse-ri: aizu, zeinek konparatu ditu Kaferena eta Inazio Uriarena? Anam-ek esan duena da Kaferen eskubideak ere urratu egin dituztela, eta Julian Eizmendik ez lukeela gaitzespen hutsean geratu behar. Bestela, zertarako balio du gaitzespenak? Batzuetan iruditzen zait Espainiak ezarririko hiztegiaren preso zaretela.

xse | 2008-12-12 : 16:12

Aizu MADDI ni eznaiz espainiak ezarririko hiztegiaren preso!!
kaferen eskubideak urratuko zituzten baina kafe oraindik bizirik dago eta inixio hilda.alde haundia badago batetik bestera.

xse | 2008-12-12 : 17:12

garrantzi haundiagoa eman behar zaio hilketari ez presoen eskubideei

azpeitiar | 2008-12-12 : 17:12

ez xse, mesederik ez dio egingo. Herrian gero eta liskar handiago izango dugu eta EAJ-ko jendearen aurka pintadak txikizioak etab. gertatuko dira , alkatetza "lapurtu dutelako"(hala ere hau ez gertatzea opa dut). Horregatik, ez nau batere harritzen anam-ek esan duenean EAJ-ko eta EA-ko zinegotzi batzuek aldaketa hau egin nahi ez izatea, baina azken finean , hau urkullu eta ziarretak erabaki dute, ez azpeitiko zinegotziek eta beren goikoak errespetatu beharko dituzte zoritxarrez edo zorionez

xse | 2008-12-12 : 17:12

pertsona bat hil berri dago eta presoen eskubideei buruz hitz egiten ari zaera MADDI.eta gauz batek bestearekin ez dauka zerikusirik.

xse | 2008-12-12 : 17:12

pakea behar dugu,hilketekin ez da ezer konpontzen.jarri zaitez uriaren familiakoen lekuan.edo zuri ez dizu afektatzen orain dela astebete gertatu denak?? neri tristura haundia ematen dit.
alkate ohiak ez du oso ondo jokatu,horregatik kendu diote alkatetza pnv-koek.espero dut hemendik aurrera azpeitian gauzak aldatzea.anv-koek alkatetza hartzeak azpeitiari ez dio batere mesederik egin.baina kentzeak egingo dio.

xse | 2008-12-12 : 17:12

Ignazio Uria hil zutenean gauza bitxi bat gertatu zitzaidan! Beti izan naiz giza eskubideen errespetuaren aldekoa eta hau hasieratik garbi utzi nahi dut!
Inazioren hilketaz telebistaz enteratu nintzen eta izugarrizko golpea izan zen niretzat. Teleberria aurrera zijoan heinean beste albiste batzuk eman zituzten eta haien artean ETXERATekoak agertu ziren. Egia esan behar badut momentu horretan amorrua besterik ez nuen sentitu koordinadore honen inguruan. Egia esan koordinadora honetatik ere giza eskubideen errespetua eskatzen dute eta beti pentsatu izan dut beren eskubideak errespetatuak izan behar dutela, baina noizko da ETXERATen KONDENA! Inaziok ez al du beraien presoen bezain besteko eskubideen errespetua merezi???
Guk Inaziotaz ezin izango dugu berriro gozatu eta ETXERATekoek beren senitartekoak ikusteko aukera daukate.
AZKOTTARRA ZUREKIN GUZTIZ ADOS NAGO
Inazio hilik dago,hilerrian eta etxeratekoek beren senideak ikuis ahalko dituzte.momentu hauetan ez zait oso normala iruditzen presoen eskubideei buruz hitz egitea.
presoen familiak sufrituko dute bai,senitartekoak gartzelan dituztelako baina bizik daude ezta inaziorekin berdina gertatzen.berak ere eskubide osoa zeukan bizirik jarraitzeko eta animali bat bezela hil zuten eta hori ezta pertsona baten giza eskubideak errespetatzea.

axkottarra | 2008-12-12 : 17:12

Ignazio Uria hil zutenean gauza bitxi bat gertatu zitzaidan! Beti izan naiz giza eskubideen errespetuaren aldekoa eta hau hasieratik garbi utzi nahi dut!
Inazioren hilketaz telebistaz enteratu nintzen eta izugarrizko golpea izan zen niretzat. Teleberria aurrera zijoan heinean beste albiste batzuk eman zituzten eta haien artean ETXERATekoak agertu ziren. Egia esan behar badut momentu horretan amorrua besterik ez nuen sentitu koordinadore honen inguruan. Egia esan koordinadora honetatik ere giza eskubideen errespetua eskatzen dute eta beti pentsatu izan dut beren eskubideak errespetatuak izan behar dutela, baina noizko da ETXERATen KONDENA! Inaziok ez al du beraien presoen bezain besteko eskubideen errespetua merezi???
Guk Inaziotaz ezin izango dugu berriro gozatu eta ETXERATekoek beren senitartekoak ikusteko aukera daukate.

ni | 2008-12-12 : 23:12

EAE-ANVkuek alkatetza eukita ere izen die pintadak eta mehatxuek, eh?

Nirem | 2008-12-14 : 21:12

Ni Arellanok esan duenarekin bat nator, irakurri eta hausnartu, eta ez betiko kaka nahastu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu