Iñaki Errazkin: "Egun latz hauetan, momentu oro, Inazio Uriaren senide eta lagunek sufritu eta sufritzen ari direna oso presente dugu"

Urola Kostako Hitza, Uztarria.com | Udala
2008ko abe. 11a, 10:12

2007an hitzartutako gobernu akordioko printzipioak inoiz ez dituztela urratu nabarmendu dute ezker abertzaleko taldeko hautetsiek

"Egun hauek dolu egunak izan direnez, ez dugu nahi izan ika-mika politiko eta mediatikoan gauzak gehiago nahasterik"

"Euskal Herrian dagoen zurrunbilo ero honek ez garamatza inora; eszenatoki demokratikoa eraikitzea atzeraezinezko lehentasuna da"

Haizkurgi Uzin, Arantxa Isart, Leire Lazkano, Iñaki Errazkin, Xanet Esnaola eta Leire Ibarguren hautetsi independentistak atzo (asteazkena) iluntzean udaletxean eman zuten prentsaurrekoan. (Urola Kostako Hitza)  Argazki originala

Atzo (asteazkena) iluntzean, Azpeitiko ezker abertzaleko taldeko hautetsi independentistek (iazko udal hauteskundeetan EAE-ANVtik aurkeztu zirenek) prentsaurrekoa eman zuten udaletxean, Inazio Uriaren hilketa dela medio (ETAk hil zuen, Loiolan, tiroz), eta Iñaki Errazkin alkateak adierazi zuen 2007ko ekainean ezker abertzaleko taldeak, EAk eta Aralarrek Udalerako sinatu zuten "gobernu akordioaren printzipioak berretsi" egin dituztela hautetsi horiek. "Inoiz ez ditugu apurtu", zioen alkateak —agiri bat irakurri zuen—. "Herriaren aurrean eta Udalean hartutako konpromisoak eta ardurak betetzen jarraituko dugu Azpeitia berri baten alde".

Lehengo astean EAk eta Aralarrek udal gobernua utzi zuten, alkatearen taldeak Uriaren hilketaren aurrean "gaitzespen argirik ez" zuelako egin. Hala, ezker abertzaleko taldea bakarrik geratu da gobernuan (sei ordezkari; EAJk zortzi zinegotzi ditu, EAk bi, Aralarrek bat).

Uriaren "hilketaren" aurrean euren "nahigabea eta tristura benetakoa" dela esan zuen atzo alkateak. "Egun latz hauetan, momentu oro, Inazio Uriaren senide eta lagunek sufritu eta sufritzen ari direna presente izan dugu. Egunean bertan sendiari gure samina adierazi genion". Uztarria.com-ek jakin duenez, Iñaki Errazkin alkatea bera egon da Inazio Uriaren familiarekin.

Azkeneko aste honetan ezker abertzaleko taldeko zinegotziei "koldarkeriaz" jokatu izana egotzi dietela azaldu zuen atzo Errazkinek. "Hori ez da horrela. Egun hauek dolu egunak izan direnez, ez dugu nahi izan ika-mika politiko eta mediatikoan gauzak gehiago nahasterik".

Hautetsiek atzo udaletxean esan zutenez, "Euskal Herrian dagoen zurrunbilo ero honek ez garamatza inora". Eta, haien ustez, "urte gehiegi" dira "Euskal Herria sufrimenduan murgilduta dagoela".

Hautetsi independentisten testua osorik

"Inazio Uriaren hilketaren eta ondorengo egunetako gertaeren harira, Iñaki Errazkin, Leire Lazkano, Xanet Esnaola, Arantxa Isart, Haizkurgi Uzin eta Leire Ibarguren hautetsi independentistok zera adierazi nahi diogu Azpeitiko herriari:

  • 1. Batzuek gure sentimenduak indargabetu nahi badituzte ere gure nahigabea eta tristura benetakoa da. Egun latz hauetan, momentu oro, Inazio Uriaren senide eta lagunek sufritu eta sufritzen ari direna oso presente dugu. Gaur duela astebete bezala gure lehenengo oroitzapena Inazio Uriaren senide eta lagunekin dago. Doakie hemendik gure dolumin eta elkartasunik beroena.
  • 2. Egun latz hauetan koldarkeriaz jokatu eta ezkutatu egin garela aurpegiratu digute zenbaitek. Hori ez da horrela. Egunean bertan gure adierazpen politikoa egin eta sendiari gure samina adierazi genion. Egun hauek dolu egunak izan direnez, ez dugu nahi izan ika-mika politiko eta mediatikoan gauzak gehiago nahasterik.
  • 3. Urte gehiegi dira gure herria, Euskal Herria, sufrimenduan murgildurik dagoela. Euskal Herrian dagoen zurrunbilo ero honek ez garamatza inora. Eskubide guztiak (norbanakoak zein kolektiboak) errespetatzea ahalbidetuko duen eszenatoki demokratikoa eraikitzea atzeraezinezko lehentasuna da.
  • 4. Herriak konponbidea bilatzea eskatzen digu eta ardura politikoa daukagunon zeregina eta lehentasuna honek izan behar du. Ardura politikoz jokatu eta elkarrizketa bideak landuz, Euskal Herriaren hitza errespetatzea da ezinbesteko osagaia. Erantzunkizuna guztiona da, gurea ere bai.
  • 5. Azkenik, 2007ko ekainean sinatu genuen gobernu akordioaren printzipioak berresten ditugu, inoiz apurtu ez ditugunak. Honela, gure esku dagoen heinean, herriaren aurrean eta Udalean hartutako konpromisoak eta ardurak betetzen jarraituko dugu Azpeitia berri baten alde".

Hautetsi independentisten prentsaurrekoa ikus daiteke bideo honetan.

Bidali:  

Erantzunak

JoxeJoxe2 | 2008-12-11 : 10:12

Ez al daukazue ETAri esateko ezer?

ulertunahi | 2008-12-11 : 10:12

Berriro ere aukera paregabea galdu duzue! zuen oroitzapena Inaxio Uriaren familiarekin dago baina bera erahil duen ETArentzat kritika txikiena ere ez, ezta aipatu ere, esistituko ez balitz bezala...zuen jarrera ulertu nahi dut baina ezin dut. Ezin da.

Anam | 2008-12-11 : 11:12

Zestuar-ai: begiratu zer jartzen dun Errazkinen-da idatziko hasieriek: "Inazio Uriaren hilketaren...". Inixio hil egin zebela esan debe hortaz. 'Asesinato' da 'hilketa'. Ez da oso ohikue ezker abertzaliek 'hilketa' hitze erabiltzie.

Alaia | 2008-12-11 : 11:12

Benetan hemen ikusi dudan hipokresiarekin neka neka eginda nagoela aitortu behar dut. Mila bortxakeria daude euskal herrian heriotza asko sortzen dituztenak.Mila injustizia, mila malko telebistako kamerek jasotzen ez dituztenak. Besteak beste emakumeak hiltzen dituen bortxakeria, langileak hiltzen dituena, presoak eta hauen senideak hiltzen dituena, guardia zibilak hiltzen dituena, enpresariak hiltzen dituena. Mila bortxakeria, mila heriotza. Dirudienez bizitza guztiek ez dute hala ere balio berdina.
Ez dut onartuko patronala orain herritarren laguntzaile bezala aurkeztea. Ezin dut onartu patronalaren lana altruistatzat salatzea. Milaka euskal herritarren esplotazioaren arduradun zuzena da patronala, ehundaka langileren hilketen arduradun zuzena. Herritarren ondoan egoten jarraituko dutela entzun diet atera dute ohar batean. Baina nora goaz? zer da hau?
Heriotza gehiagorik ez!!! Hipokresia gehiagorik ez!!!

zestuar | 2008-12-11 : 11:12

Inaxio Uria ez da bihotzekoak jota hil. Mesedez, HIL EGIN DUTE!! Badirudi Iñaki Errazkinen hitzak irakurrita gaixotasun batez hil dela. Zuen interes bakarra alkatetza mantentzea dela orain garbi dago, eta beste partido politiko asko bezela (zuek gogor kritikatzen dituzuenak) interesei begira zaudete orain!
Azpeiti berri baten alde egingo dezutela? pertsona bat erahil eta gero ez familia eta ez herriaren miñ eta samiñaren aurrean ezer egiten ez duen alkatetzarik ez du behar Azpeiti berri batek!!
Mesedez!!

aitor | 2008-12-11 : 12:12

Kondena, kondena, kondena..... Hau izengo bazan gaur egun gertatzeanan errezeta!
Okerrena da, kondena hitz magiko hori ibiltze duten politiko askok, ez daukatela ez saminik eta ez tristurarik hilketa honen aurrien.
Animoak Uriatarrei!

Jonantxo | 2008-12-11 : 12:12

Ni arrasatearra naiz, baina zuen alkatearen jokabideagatik sentitzen duzuen lotsarekin guztiz identifikatua nago. Martxoan erail zuten ETAkoek arrasateko seme bat eta oraindik gure alkate den Ino Garpasorok ez du kondenatu. Lotsagarria benetan.Nire doluminak familiari eta azpeitiar guztioi. Arrasatearrok ere azpeitiarrokin bat egiten dugu gure seme-alabak erailtzen dituztenak kondenatzen.

ERITZ | 2008-12-11 : 12:12

Hipokrita batzuk zarete eta politiko zareten einean boterea da gehien nahi dezutena(besteei ainbeste kritikatu diozien botere ber bera).
Puntuz puntu baloratu nahiko nuke:
1.-Dudarik ez daukat triste zaudetela, baina benetan triste dagoenak hitzez baino gehiago ekintzez adierazten du.
2.-Nire uztez koldarkeria da, beldurra...NORI? BARRUAN DAUKAZUE ETSAIA. Ika-mika politikoan egun gutxi barru hasiko zarete...
3.-Zurrunbili eroa...eskubide guztiak... baina batzuekin kalera ateratzen zarete eta besteak tristura ematen dizuete eta ondoren isildu.
4.-EHren hitza errespetatzea... ba hasi ejenploa ematen, herri honek esan du jada hau onartezina dela.
5.-Ze printzipio? Herritar bat hil eta samina agertzera bakarrik ausartzen den udalarena?
Ze Azpeiti berriren alde zaudete Oestean bezela nik esandako edo bestela tiro!
ERRASKIN PENA EMATEN DIDAZU (GEHIAGO EZ ESATE ARREN)

BAKEABEHARDUGU | 2008-12-11 : 12:12

Nik ez dut esan errua besteena dena.Nik ez dut esan euskaldunak nor diren eta nor ez. Nik esan dudana sentimentuak kondena ez kondenaren arabera ez doazela. Kondenatu ez dutenek kondenatu duten askorek baino gehiago sentitu dutela, ez besterik.

BAKEABEHARDUGU | 2008-12-11 : 12:12

Nola esango duzue boterea dela gehien nahi dutena? Inori zer pasatu zitzaion ahaztu egin al zaizu? Edota ezker abertzaleko arduradun ia denak kartzelan daudela?beraien jarrera kritikagarria izan daiteke baina ezker abertzaleak aski frogatua du bere nahia ez dela boterea...eta ze preziotan gainera!

Anam | 2008-12-11 : 12:12

1985. PNVk Ardanza jarri zuen Jaurlaritzako lehendakai, Garaikoetxeak kargue utzi ondoren, ta PNVk PSE fitxau zuen Jaurlaritzarako. Ardanzan aurreneko legealdi hortan GALek 14 euskaldun hil zitun (bonbakin ta tiruekin), PSOEk ez zun GALen kontra eiten (nola eingo zun, beak sortu zun-da!), ta PNVk ez zun PSE jaurlaritzatik bialdu.
Beste kasu bat. 1985a zan, juliyue, Angel Carasusan enpresaiyo azpeitiarra bahitute zeukeben Komando Antikapitalistek, ta Guardia Zibilek hure askatzie lortu zun Lezoko etxe batien. Ramon Jauregik (PSE) orduntxe: "Galindo es, tengo que decir, el mejor policía que tenemos en el País Vasco, el más experto en la lucha antiterrorista, el más profesional y el más serio, y el que nos ha dado más y mejores resultados en los dos años que llevo en la delegación. Es, con diferencia, el mejor; esa es la expresión". Ordureko garbi zaon Galindok torturau eiten zula (2000. urtien 71 urteko kartzela zigorra jarri ziyoben Joxi Zabala ta Joxean Lasa hil ta torturatzeatik). Jauregi PNV-PSEn garaiyen Jaurlaritzako lehendakaiorde izan zan.

JoxeJoxe2 | 2008-12-11 : 12:12

Komunikatu horrek ez du ezeratarako balio.
Puntuz puntu, hor jartzen duena , Inaxiori bi tiro eman zizkionak ere onartu dezake.(xinistu dezaket hari ere tristura sortu diola guzti honek)
Niri dagokidanez, azpeitiko ezker abertzaleak ofizialki kontrakorik esaten ez duen bitartean ETAk egin duenarekin ados dago.

txuri | 2008-12-11 : 12:12

Ikulundoa zulatzen argazkian ateratzeko? orain besteok izango dugu errua ezta, besteari pelota bota, hori da zuen jokoa, gu behintzat herritar asko han izan ginen gaitsezten zuek ezta hori ere, gainera euskaldunenak zuek izango zarete, faborez

BAKEABEHARDUGU | 2008-12-11 : 12:12

Idatzi egokia iruditzen zait eta elementu interesgarriak daude.( zurrunbilo honek ez garamatza inora...)eta beraien sentipena egiazkoa eta negarrak benetakoak direla neu testigu.baina klaro hitz magikoa ( kondena) esan ez dutenez...
Zalantza gehiago sortzen dizkit beste hainbat politikoren sentimentuek. Ez dakit boterea lortzea ez ote den helburu nagusia. Por tzierto ikusi zenuten julian kontzentrazioan okulondoa luzatzen argazkietan azaltzeko?En fin...

txuri | 2008-12-11 : 12:12

BAINA HAU LOTSAGARRIA!! NAZKAGARRIA DA, Uria hil eta gero Loiolara joan eta hori izan da zuek familiari eman diozuten "samina"?
Ez dezute kondenatu, ez zarete hiletara joan , ezta manifestaziora, eta zuen testuak jartzen duen bezala "Egun latz hauetan, momentu oro, Inazio Uriaren senide eta lagunek sufritu eta sufritzen ari direna oso presente dugu", pentsatzen ari zaretelako, ze pasatu daitekeen alkatetza galtzeko beldurrez zaudetelako, ez bestela, Faborez, gezurrik ez esan. Jendea zuekin nazkatuta dago, ez dezutelako potrorik izan kondenatzeko. Eta zuek testuaren beste zatian dioen bezala, "Azpeitiaren alde lanean jarraitu duzuela" ze pertsonak jarraitu dezake lanean herri baten alde, pertsona bat hil eta kondenatzen ez dutenean. Nire gaitzespen haundiena, eta zuentzako opa dizuet okerrena
Aupa Uria familia, aupa azpeitiarrak baino ez zuetarrak, beldurra eta amorrua bakarrik sortu dezue herrian eta

txuri | 2008-12-11 : 13:12

Pankarta jarri dutela diozu? ni azpeitiarra naiz, eta ez dudalako ikusi bestela joan eta kendu egingo nuke, ze jende klase da hau pertsona bat hil, eta gainera muturren aurrean PRESOAK EUSKALERRIA jarri? eta Ignacio Uria zer? hori izango da beraiek nahi duten politika herrirako, demokrazia hori. Nazka, gorrotoa, dena gutxi da ematen dutenako. Beraiek baztertuak senti arazi behar ditugu. Bakarrik daudela, eta beldurrik ez daukagula, zeren beldur izan behar gera ba?

gaizka | 2008-12-11 : 13:12

Ez ez ez ez!!!
Nahi dezuten hitzek ibiliko dituzute baino nik ez dizuet xinisten, eta azpeitiar askok ere ez.
Lotsie, bildurre ta mine eundokue zuek ekarri dezutena herri honta. Ta zuek esatetenin ez naiz konfunditzen.
ETA KAMPORA argi ta garbi ohiukau arte beaien alde zaudete ta hortaz nere iritziz kulpa berdine daukezute.
Errazkin ta co kampoa
TA ez naiz nazkauko esaten ANIMO URIATAR DANOI!!Baita gertuko laguneire.

Anam | 2008-12-11 : 13:12

Ez dakit 11. erantzune letu dezuten (neuk ein det). 1985ko garai hayetan zeatik ez zun PNVk Jaurlaritzako gobernutik bialdu PSE? Eo, honek aldeiten ez zunez, zeatik ez zuen PNVk beak utzi Jaurlaritza?

txuri | 2008-12-11 : 13:12

Ezker abertzaleak zer frogatu duela? bueno, hasteko egin dezutenak ez dauka izenik gizona gizon da momentutik kondenatu behar zuen, baino nola beldurra daukazuten goitik ze etorriko den , ba hor zaudete apopiloak bezala, eta gartzelan dauden jendea zeozetik izango da, ezta? orain ez asi pastelari buelta ematen , beti berdina egiten dezute eta

Anam | 2008-12-11 : 13:12

Oruam-i: nik'e beitu det hiztegiyen (Elhuyar) ta 'hilketa' jarri ta erderaz hau azaltzen da: asesinato (ta homicidio ta matanza).
Hemen:
http://www.euskara.euskadi.net/r59-15172x/eu/hi...

Oruam | 2008-12-11 : 13:12

Gauza pare bat esan nahi ditut
1. Anam-i. Oraintxe hiztegian begiratzen egon naiz, eta "hil" "asesinar" da, baino baita "morir". Nik ulertzen dudan moduan "hil" "morir" esan nahi du eta "asesinar" "erahil". Ez gaitezen ahaztu Inaxio Uria ERAHIL dutela, Gotzaiak ondo esan zuen bezela AKATU egin zuten, gauza horren gordina da.
2. Alaia-ri. Ze demontre esaten ari zera? hipokresia? hipokresia zurea. Galdetu diozu Altuna y Uriako langileren bateri nola sentitzen den? Ikusten da bai zuk ez zenula Inaxio ezagutzen. Harek sekula ez zion inuri begiratu zer pentsatzen zuen edo ze itxura zuen lana emateko, laneko gogoa bazenu harek lana emango zizun. Again hobe izango litzateke enpresario denak bere enpresak itxi eta jende guztia kalean utzi balute, zer esango zenuke orduan?
3. Kondena hitza asko erabiltzen da, batzuentzako hitz hutsa izango da, ba neretzat ez, ze sentidu dena ematen du. Hemen politiko asko egon dira, batzuek argazkirako, baino beste asko bere samiña sentiaraztea, eta kasu gehienetan oso garrantzitsau izan da bere jarrera, gertutasuna, nahi dezutena esanfo dezute, baino egun hauetan politikari asko bere tokian egon direla demostratu dute.
4. Azkenengoz benetan herri hau politizatu ez badegu nahi, zerbait egiten hasi beharko gera, besteak beste festak politizatzeari utzi, eta Alkateak "zurrunbilo" hortan sartu ez badu nahi, has dadilahortik.

ERITZ | 2008-12-11 : 13:12

Zuen nahigabea benetakoa da diozue...Sinetsi nahi dut.
Baina denbora gutxi barru URIA familiari bigarrengo zaztada emango diozue.Dagoeneko hasi zarete prestatzen.
Aste honetan bertan erdi kalean ipini dezue eskaparate apain bat euskal herriko presoak SUPERHEROE moduan aurkeztuz.
URIAtarrak aurretik pasatzen direnean zer sentitu behar dute? URIAren hiltzaileak bezalakoxeak dira hor agertzen direnak, norbait hil dutelako daude kartzelan (gehienak behintzat)
San sebastianetako presoen aldeko zirkoari buruz ari da jendea idazten...lasai egon, Santo Tomasetan(lehenago datoz)herria kartelez beteko dute, pankartaz besteei errua boteaz, pertsonalizatuz...ETA ESKUBIDE GUZTIAK diozue!!!
San sebastianetako inposaketa bat da eta gainera mutikoak aurrera botaz kareta batzuen estalpean.
Mozioa irakurruko duzue URIArekin ahaztu eta HILTZAILEAK goraipatuz.
NASKA EMATEN DU!!!

aitor | 2008-12-11 : 14:12

"...kondenatu behar zuen, baino nola beldurra daukazuten goitik ze etorriko den , ba hor zaudete apopiloak bezala"
Eta PNV eta EA ko hemengo zinegotziak ere zer dira ba? Hauek ere goitik datorrena esanez. Kasu, oraintxe bertan daude bilduta Urkullu eta Ziarreta Azpeitin zer egin erabakitzen. Azpeitiko Zinegotzi denak (Ezker Abertzalekoa, PNV, EA eta Aralarkoak) dira egun hauetan goikoen txontxongilo batzuk.

aitor | 2008-12-11 : 14:12

"ETA KAMPORA argi ta garbi ohiukau arte beaien alde zaudete ta hortaz nere iritziz kulpa berdine daukezute"
Eta zuek bestaldeko erasoak argi eta garbi ohiukatzen al dituzute? Esan bai kontra zaudetela, baina gero... orduan zuek ere PP-PSOEren kulpa berdiña duzute??

ulertunahi | 2008-12-11 : 14:12

Hori fijaziyue PNVkin, anam. Zertarako? baloia kanpora botatzeko...

Anam | 2008-12-11 : 14:12

23.ai: hori fijaziyue askorek ANVkin. Zertako?... ETAk hil du Inixio, ez ANVk.

azpeiti | 2008-12-11 : 15:12

botere gosea ezker abertzaleak?? besteei kritikatu izan diotena beraiek egin dutela?? ze ai zeate esaten??
botere gosea balu, errezena egingo luke. frankismoa edo GAL kondenatu ezdutenek egin duten bezela: inaxioren hilketa kondenatu ta listo. baina ezker abertzalea ez da saltzen. lehen, orain eta gero koherentea izango da eta ez du bere printzipioen aurka egingo. ez du "kondenatuko", baino proposamen eraikitzaileak egingo ditu ez daitezen gehiago horrelakoak gertatu. eta zoritxarrez bakarra da kondenaz aparte irtenbideak bilatzearen garrantzia aipatu duena.
"kondenau ezkeo bildurre dakebe goitik etorrikoanaz" hemen goikuen bildurre euki debenak, ta komunikabidien presiyuen aurrien bere jarrerie alda debenak ea ta aralar izen die. gobernu akordiyue intzanien adostu zan idatzi bat gertaera danetako baliyoko zuna. baino presiyuek eraginda, akordiyue puska debe batzuk. ezker abertzaliek zenen bildurre dake?? eta-na?? bai e?? ontxe esatezue etan bildurre dakela ta oixe esatezue eta dala. aber zertan geratze gean.
besteik gabe, zein dan gaiztuo, zenek zer kondenatzeun da zenek zer ez eztabaidatzie alperrikakue da. trapu zikin asko daude hemen bazterretan ta sufrimendu mota asko daude euskal herriyen (ezker abertzaliek aitortzeu hori, beste batzuk ukau ta ixkutau itebe). beraz lehenik eta behin arazo bat daola onartu, ondoren sufrimendu dnak onartu, ta ondoren konponbide batea iristeko metodologi bat adostu behar da. aurrebaldintzaik gabe!! ze baldintzak jartzeko ezker abertzaliek e mille motibo dazke. borondatie badao posible da konponbidie, kosta ala kosta boterieen mantentzie helburu izenez geo, oso zalle izengoa.
esan azpeitin atentau honek zeni in diyon mesede!! PNVei ta beste inori ez!!

txuri | 2008-12-11 : 15:12

Orain ere asi zeate kaka nahasten, sufrimentu mota asko daudela eta abar. Baino oraingo hau ez bazea enteratzen pertsona bat, langile bat hil dute eta Ezker Abertzaleko jende asko ez dagoena ados, baino Azpeitiko Alkateak ez du kondenatu, eta gero esaten du Uriatarren familiaren ondoan dagoela, nola ulertzen da hori?

JoxeJoxe2 | 2008-12-11 : 15:12

Ezker abertzalean gertatzen ari dena benetan dramatikoa da. Denetarikoa jendea dago, onak eta gaiztoak, listoak eta tontoak baina txarrena da gaiztoenek eta tontoenek agintzen dutela eta gainontzekoek hauei jarraitzea besterik ez dutela egiten.
Ezker abertzaleko jendearekin hitzeginda, bat bera ez zait tokatu ETAk egin duena defendatzen hasi denik. Zergaitik pribatuan esaten dezuten gauza bera ez dezute esaten ofizialki?
Nahikoa da. Pauso bat aurrera eman behar dezute eta ETAri aurre egin.
Beste aukera orain arte bezala jarraitzea da eta badirudi horrela izango dela. Ez dakit konturatzen zareten baina jendea nazkatzen ari zarete. Baliteke zuek pentsatzea ezker abertzaleko ez den jendea zuekin oso insolidario izan dela baina hau ez da ezer laster gertatuko denarekin.
Jasaten dezuten errepresioa gogorra dela uste dezute baina etzerate konturatzen oraindik asko gogortu daitekeela. Gogortze hori gelditu dezakeen gauza bakarra euskal gizartearen solidaritatea da, eta hau agortzen ari da.
Benetan esaten dizuet pena ematen didazuela.

txuri | 2008-12-11 : 15:12

Denak izango dira apopiloak baino desberdintasun oso garrantzitsua dago BATZUEK HILKETAK KONDENATU egiten dituzten bitartean, besteak ez

Igor | 2008-12-11 : 16:12

Nola senti daiteke sekulako samiña, erahilketa gaizki iruditu gabe? Ez duzuela koldarkeriaz jokatu? Barrua behar da bai erahilketa gaizki ez zaizuela iruditu eta saminduta zaudetela alargunari esateko. Ala ere, ETAri gaizki egin duela esateko ez duzue barrurik, horregatik jokatu duzue koldarkeriaz. Hori pentsatu nahi dut behintzat, koldarkeriaz jokatu ez bazenute, erantzule zuzenak zaretela pentsatu beharko bait nuke. Edo kasualitatea da heranegun atxilotutako bat ANVko listetan irten izana (getxon uste dut) eta beste baten ama Lasarte Oriako ANVko kontzejala izatea?

Erabiltzailearen aurpegia da hau Uztarria | 2008-12-11 : 17:12

Xse izenarekin idatzi duenaren erantzunaren zati bat (34.a) kendu egin du Uztarriak, iraingarria zelako.
Mesedez, errespetatu arauak.

Igor | 2008-12-11 : 17:12

Uste dut azken hilara Uztarriak ezabatu egin didala, beraz beste modu batera ipiniko dut azken ilara:
Orduan, zer pentsatu behar dugu, koldarrak edo erantzuleak zaretela?

xse | 2008-12-11 : 17:12

Azpeitiko Errazkin alkateak Inaxioren erahilketaren ondoren euki duen jarrera koldarra iruditzen zait eta egin duen komunikatua,berriz, lotsagarria,uriaren familiaren samina ulertzen duela esanez. Ondo geratzearren herriaren aurrean edozer.
Besterik ez,ANIMO ASKO URIAREN FAMILIARENTZAT

jackaubrey | 2008-12-11 : 17:12

ALKATIEK: "Herriaren aurrean eta Udalean hartutako konpromisoak eta ardurak betetzen jarraituko dugu Azpeitia berri baten alde".
ze azpeiti berri, amenazue eta bildurre duen herri bat.ezer ein ez dun pertsona bat erail eta isilik geratzean alkate baten adibidiekin zuzendutako herri bat, o gutxiengo batek gehiengo bat zapaltzeun herri bat?
eh iñaki, ze herri dek hik eraiki ber dekena?
hik ematek penie tio, dezepziyo bat haiz neretzako!!
ta faborez, burlaik eziyok ein Inaxion arimiei, hik bate penaik ez daukek eta, hik herriyen einber hituanak einbe geldiu haiz. hire obligaziyue huan entierroa jutie, manifa jutie... bufa bufa, ixiltzea natxik...

ERITZ | 2008-12-11 : 18:12

AZPEITIA BERRIA eraikitzen??? barregura ematen dit.
Herritarra hil eta pena bakarrik eta dagoeneko presoen kanpainan sartuta zaudete. Erdi kalean altarea, zozketa otarra fideo aurrean...kartelak gora eta bera kaleetan zehar...
HERRITARRA HIL ETA HILTZAILE KOLDARRAK GORAIPATU!!!
GORA AZPEITIA BERRIA!!!
NAZKA, GOIKO ARGAZKIA IKUSTEAK NAZKA EMATEN DIT.

Mab | 2008-12-11 : 18:12

Garbi dago ETAk herri honen gehiengoaren iritzia ez duela ezertarako ere kontutan hartzen. Honez gero, garbi izan beharko luke gehienon nahia beraien desagertzea dela eta geuri ustea geure bidea egiten inungo inposaketarik gabe. ANV-koek ere hau azalduko baliokete ez al lukete kasurik egingo??

mapia | 2008-12-11 : 19:12

Uriatar famaliyei nere doluminek eta Anvko hoiei nere hasarrie. Lotsa gutxi ber du eskubide guztiyek errespetako dituztela esatebenien, kotxiek erre, kajeruek erre, jendiei dianak ipiniyez pintadak ein... eiteitubenak ere ETAkoek al die? Hori eskubide guztiyek errespetatzie al da? Aitu al diyozue hauei gauze hauek kondenatzen? Bildurrik eztaola? Zeatik gelditzeaba jendie ezer in gabe eta hinolako erantzunik eman gabe? Ez al gea ba pertsonak? Nik ustet herri hau benetan gaixo daola, gauze guzti hauen aurrien erantzuteko gai eztanien. Danok gure aldetik jarri ber deu herri hau sendatzeko, eta ez beti politikuei bota kulpie. Herriyek eztu pausoik ematen, ezta iniziatibaik ikusten. Manifestaziyo, protesta, edo danadalakuek politikuen aldetik datoz eta kejatzie eta konforme ez gaudela adierazi nahi deunok bide hori bakarrik daukeu momentu hontan.
GAL, ta presuen dispertsiyue eta holakuek zalatzen entzun ditut ANVkuek eztien politikoren batzuk, danak ez izen arren, baina ANVkoei ez bestiei indeko erasuek zalatzen. HERRI HONEK PAKIE ESKATZEU. NAHIKUE DA. ETA KANPORA. HERRI HONEK ETZAITU EZERTAKO BER.

amek | 2008-12-11 : 19:12

herriak behar du hitza.
hutz diezaiogun familiari bere bidea hartzen.
Azpeitiko herriak amorrua azaldu behar du. Nire proposamena hau da.
Etxe zuri aurreko pareta zurian eta pizina aurreko pareta zurian hidatzi libreak idaztea. Rotuladoreak edo antzekoak erabili eta gure sinadura + pentsatzen duguna adierazi. Libre eta askea izan dadin. Ez gaitezen ixilik gelditu.

egiak | 2008-12-11 : 21:12

ANVri:
1:Doluminak aparte, kondenatu eta hiltzaile bezala tratatu herritarra erahil dutenak.. Uria ez zen istripu baten hil
2:Koldarrak, bai, koldarra izan da zeuen jarrera. Ez duzue kondenatu eta ez duzue aurpegia eman. ETAko hiltzaile herritar bat balitz omenaldia eta horrelakoak egiteko lehenak izango zinateke.
3:Ados nago, urte gehiegi dira ETA herri hau puskatzen daramana, ez zurrunbilo ta ostiyek,ETAko hiltzaileak.
4:"Euskal Herriaren hitza errespetatzea da ezinbesteko osagaia", ba hasi zuek exenplua ematen, EUSKAL hERRIA aspaldi hitz egin bai zuen ETA desagertzearen alde.
5: "Azkenik, 2007ko ekainean sinatu genuen gobernu akordioaren printzipioak berresten ditugu, inoiz apurtu ez ditugunak. Honela, gure esku dagoen heinean, herriaren aurrean eta Udalean hartutako konpromisoak eta ardurak betetzen jarraituko dugu Azpeitia berri baten alde" diozue, baino jende normalarentzat, zuentzat ez dakit, bizia errespetatze da printzipio nagusia, eta prntzipio hori ez du emaen zuentzat inportantea denik...ezin diozue besteei zuek bezala izatea.
Azkenik, zuek esaten dezuen bezala:.. ENTZUN HERRIAREN HITZA,ALDE HEMENDIK

izarraitzen | 2008-12-11 : 21:12

Botere gosez PNVren erabilera politiko salagarria, EAren desagertze bidea, eta EAE-ANV legez at.

egiak | 2008-12-11 : 21:12

Gose boterea? Aber, demokrazia zer den ba al dakizue?
Botu gehienak dituena gehiengoarekin gobernatu egiten du, gehiengoa ez badu akordioak egiten ditu, eta akordio hori puskatu ezkero ba beste partidu batekin egiten dituzte akorioak... hau da EAJ irabazi zuen Azpeitin baino ANV EA eta Aralarrekin eginiko akordioekin gobernatu du... koldar moduan ez dute herritar baten erahilketa kondenatu eta orduan boterean mantentzen zioten botuak beste alderdira joan dira... non dago botere gosea? Faborez, kritikatu zergaitik galduko duten udaletxea eta ez buelta eman historioari....

Txomin | 2008-12-11 : 21:12

Hemen zerbait salagarria baldin bada,ANV-ren portaera lotsagarria da.Errua beti besteena ezta?
Asperturik nago zuen biktimismo merke horretaz!!!

Nirem | 2008-12-11 : 23:12

Pena haundia dut zuek alkatetza galduko dezutelako hitz magiko hori, euskaraz behintzat ez esateagatik, Gaitzetsi.
Horrek dena aldatuko zuen, herriaren gehiengoarekin bat egingo zenuten, ez zutenak ulertuko zuen jokaera ezker-ezkerrekoak izango ziren. Eta historikoa izango zen.
Orain EAJ-ak ere ez dute ulertu, gutxiagatik baino herri hontan ezkerra nagusi zela eta alkatetza ANV-ri kentzea beharrezkoa bazen ere EA edo Aralarrek hartu beharko zuela, gutxienez geratzen zen denborarako.
Orain berriro bozkatu beharko balute ANV-ko askok, nori emango liokete botoa? EAJri? ez. Ziuraski Aralarrek irabaziko lituzke boto asko. Zergaitik? Gaitzetsi hitza erabiltzeko ausardia badutelako.
EAJ-ak alkatetza hartzea atzera pausua izango da, baina tira, besterik ez dagoen bitartean, hurrengo botazioetan ikusiko da benetan Azpeitiarrek zer nahi duten, orain ere goikoek konpondu bait dute arazoa.
Pena izango da demokrazian sinistu nahi dugunontzat, batzuk agian kanpoan gelditzea, baina egina dagoenari ezin zaio buelta eman, hitz magikoa falta, pena bat da.

lekim | 2008-12-11 : 23:12

Gaur kaletik pasanauk, ta fideo aurreko presun sorteo-espoziziyo-omenaje ori ikusidiatenin benetan sutan jarrinauk.
Benetan, oi hipokritak zeatenak!!!!!
Presuk kartzelan eonberdebe, eztaude ta barrun karameluk lapurtzeatik.
Paterra: komando araba, kuartel bat kotxe bonba abtekin lehertzi intentauzun
Gotzon: más de cien acciones de violencia callejera cometidas en el País Vasco entre noviembre de 1993 y marzo de 1997.
Txapi: etakideek pistola bana eta dokumentazio faltsua zeramaten
Jabi agirre: Tres artefactos explosivos en la discoteca Universal de la localidad navarra de Lakunza, os agentes localizaron en el domicilio de Aguirre Odrioloza en Azpeitia (Guipúzcoa) un total de seis kilos de dinamita, una bomba lapa, un manual de explosivos detonadores, temporizadores y material electrónico.
Kafe: jarrai, haika, segi = faxistak= ETA
Iker Iparragirre: nacido en Azpeitia (Guipúzcoa) en 1978, figura en la lista de terroristas más buscados por la Guardia Civil y la Policía Nacional, Jefe de logistica de Eta.
PRESO "POLITIKUEK"?????? NUNDIK?????
Erantzun logiko ta natual bat ematezuenien olako galderai, baño/eske.... hitzek erabili gabe, ordun askoz hobeto jungozaizue.
Jakin eztaketela eskubiko idologiye baño azkenaldi hontan ainaiz ikusten Eae-Anv faxista batzuk ditukela (nere iritziz)
Aio

bi | 2008-12-12 : 11:12

kaixo,
foro hontan parte hartzen ai dienai jendeak irakurri egiten die eta herrian pentsatzen denaren inpresio bat barneratzen du... Nere ustez ez du inolaz ere herriko jendearen iritzia ordezkatzen hemen agertzen denak. Pertsona berdinak izen bat baino gehiagorekin idazten duelakoan nago. Gauza berdinak esan pertsona desberdinen izenean askoren iritzia hori denaren itxura emateko...
Kontuz ibil gaitezen foro hauetatik ateratzen ditugun h¡ondorioekin... ez dute errealitatea islatzen.
besterik gabe!

ardibeltza | 2008-12-12 : 11:12

Hemengo batzun diskurtsue PPkuen igulito igualito..

Maldon | 2008-12-12 : 12:12

Hemengo batzun diskurtsue ETAren igulito igualito..
kasualitatea ezda ba izengo - los extremos se tocan.

ERITZ | 2008-12-12 : 15:12

Odola bero bero eginda nator...
Erdi kaletik pasa naiz eta URIAtarren azalean jarri naiz...
Bazter guztietan "Segu urtebetetzea argazki ateratzea" anuntziatzen (lotsa emnago zidan orain ara joatea), piska bat gorago PRESOEN alde ipini diguten ALTAREA bideo ta guzti, Fideo aurrean Zozketa Presoen alde, dena hauek SUPERHEROE moduan ipiniz...
URIAren alde ezer ez (hau da azkar isildu kontua) eta ESKUBIDE GUZTIAK diozue. HIPOKRITAK!!!
Gorpua hozten ere ez duzue utzi!!!
HAU EZ DA INPOSAKETA??

axkottarra | 2008-12-12 : 20:12

askotan irakurri dut "pnv botere gose" baino ez al zarete gogoratzen nork irabazi zituen hauteskundeak? nor zen orduan botere gose? PNV? 8 zinegotzirekin oposizioara joanda? edo ANV, EA eta ARALAR ekin bat egin eta BOTEREA lortuz???
BOTERE EDO EZ BOTERE orduan demokratikoki kendu zitzaion alkatetza PNVri eta orain demokratikoki kenduko zaio alkatetza ANVri!

trapero | 2008-12-12 : 22:12

ERITZei.
Ez konturatzie ere kalea ANVkoena dela gogorra dek. KARTELAK, ZOZKETAK, BIDEOAK, PREASOEN GORAIPAMENA eta Uriari buruz ezer ez, esaten duk. Ze uste uen ba ? ANVk bere jarduera kalera zemakik eta han nagusi dituk. Oso txulo ere. Taldean ibiltzen dituk eta kalea bere jardunaren luzapena ditek. Gainantzeko Azpeitiarrak, ba, a tragar. Burua makurtu. Udaletxean bai baino kalea galduta dago.Geratutakoa gertatuta ere aste bete pasa besterik ez da egin, eta kalea bereganatua dute.

lekim | 2008-12-13 : 00:12

46, bi: Nere ustez ez du inolaz ere herriko jendearen iritzia ordezkatzen hemen agertzen denak. Pertsona berdinak izen bat baino gehiagorekin idazten duelakoan nago. Gauza berdinak esan pertsona desberdinen izenean askoren iritzia hori denaren itxura emateko...
....sin comentarios.......
oi kokojana.......
olako pertsonakin batez, egi absolutue beaiena dek t.

4 | 2008-12-13 : 12:12

hasteko esan nahi det idatzi horrekin argi ta garbi esaten debela ez dagola ados HILKETA=ASESINATO (ta ez manipulau) honekin.
bestalde, kartzelan dauden beste askore badakigu ez daudela ados ETAn(ta EZ ANV-en) erahilketa edo erabaki hauekin. beraz, zergaitik ez ekarri Euskal Herrira dagoeneko konturau dienak hau ez dala bidie?? edo ez badie ekarriko behintzet berayengan elkartasune adierazi??
honekin eztet esan nahi eztetenik entenditzen Inaxio-on ingurukuen zeñ herritan guztiyon amorrue.

juale | 2008-12-15 : 11:12

ANV-ko guztiak koldar hutsak zaretela besterik ez duzue azaldu.
1- Ez duzue gaitzetsi, kondenatu edota deitu nahi duzuen moduan.
2- Dolumina familiari???? Telegrama bat bidaltzea hori al da dolumina alkate batek emateko modua?
3- Non zeundeten hilketaren ondoren? Loiolan? Loiolan non? Ez behintzat egon behar zenuten lekuan, hau da, gainontzeko alkate, politikari etab. zeuden lekuan.
Noiz arte jarraitu behar duzue ETA-ren menpe egoten? Ez al da nahiko sufrimentu orain artekoa behingoz ETA KANPORA esateko? Horren zaila al da?
Hobe genuke denok Inaxio Uria bezalakoak bagina. Zer leporatu behar diozue? Eukaldun peto petoa izatea, langilea, abertzalea,ZER?
Orain ere, ez duzue erantzunik ezta?
Erantzunik ez daukalako.
Ni ere euskalduna naiz,euskaraz hezi eta bizi naizena, abertzailea,baina guzti hau ulertezina da niretzat. Euskara eta Eukal-Herria benetan maite dituenak ezin ditzake beraienganako nazka eta lotsa besterik sortzen ez dituzten ekintzak egin.

ixilikezegon | 2008-12-27 : 00:12

ta alkate hau telebisiyo kate danetan azaldu da, herriyen ordezkari bezela...
en fin

ze pentsaberdu munduek gutaz??

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu